________________
सिरिपउमसूरि-विरइया ॥ सिरि-सरस्सईविंसिया ॥ आर्यावृत्तम्
सिरि-केसरियाणाहं, थुणिअ गुरुं पुज्जणेमिसूरिंवरं । सज्झाय-मोय-दक्खं, पणेमि सिरि-सारयाथुत्तं ||१|| जिणवइ-वयणणिवासा, दुरियविणासा-तिलोयकय थवणा । सुगुण-रयणमंजूसा देउ मई सारयाविउलं ॥२॥ सिरि गोयमपयभत्ता पवयणभत्तंगि भव्वणिवहस्स । विग्घुड्डा वणसीला देउ मई सारयाविउलं ||३|| मुक्कज्झयणुस्साहा हया सया देवि ! तं विहाणेणं । सरिऊण पीइभावा, कुणंति पढणं महुरसाहा ||४|| दिव्वाहरणविहूसा-पसण्णवयणा विसुद्धसम्मत्ता । सुयसंघ-पसंति पयरी देउ मई सारयाविसयं ||५|| जीए झाणं विमलं थिर-चित्तेणं कुणंति सूरिवरा । पत्थाणसरणकाले वरया सा सारया होउ ||६|| सिरिमायाबीयक्खर-मयरु विस्सरिय दाणसुहलक्खे । जगमाइ ! धण्णमणुया सइ प्पहाए सरंति मुया ||७|| वय वय मह हियजणणि ! मियक्खरेहिं मए किवं किच्चा । सक्केमि कव्वरयणं काउं जेणप्पकालंमि ||८|| कुण साहज्जमणुदिणं सुयसायरपारपत्तिकज्जंमि । ण विणा दिणयरकिरणे कमलवियासो कया हुज्जा ||९|| तुज्झ नमो तुज्झ णमो तुम प्पसाएण चउविहो संघो । सुयणा णज्जणसीलो परबोहण-पच्चलो होइ ||१०||
गेऽवि गंथयारा, गंथाईए णवेअ तुह चरणे । साहंति सज्ज सिद्धी अणग्गले ते प्पहावोऽत्त ||११|| गीयरइ-तियस- वइणो वंतर- सामिस्स पट्टराणीए । देवी सरस्सईए, विइयाउ अणेगमाणाई ||१२|| सुदेवं पहु समया, हिट्ठाइगमेव भारइं भासं । • णिच्चं सरस्सइं तह, थुणंतु मुहु सारयं वाणीं ॥१३॥
