________________
प्रतिक्रमण
प्रश्नकर्ता : शिवला.
दादाश्री : हो, तर शिव जवळ, पश्चाताप करायला पाहिजे. आलोचना करायला पाहिजे की माझ्याकडून ह्या माणसाबरोबर असे दोष झाले आहे, पण आता पुन्हा असे करणार नाही. आपणांस पुन्हा पुन्हा पश्चाताप करावा लागणार. आणि पुन्हा असे दोष झाले तर पुन्हा पश्चाताप करायला हवे. असे करता करता दोष कमी होतील. तुम्हाला करायचे नाही तरीपण अन्याय होवून जाईल. अजूनही होत आहे तो प्रकृति दोष आहे. हे प्रकृति दोष तुमचे पूर्व जन्मांचे दोष आहेत. हे आजचे दोष नाही. आज तुम्हाला सुधरायचे आहे, पण हे होऊन जाते ते तुमचे पूर्वीचे दोष आहेत. ते तुम्हाला विचलीत केल्या शिवाय राहणार नाही. म्हणून आलोचना, प्रतिक्रमण, प्रत्याख्यान सतत करावे लागतील.
प्रश्नकर्ता : आपणांस सहन करावे लागत आहे, तर त्यावर उपाय
FREE
काय?
दादाश्री : आपण तर सहन करूनच घ्यावे, उगीचच आरडा ओरड करू नये. सहन करायचे पण ते सुद्धा समतापूर्वक सहन करायचे. मनात समोरच्याला शिव्या देवन नाही, पण समतापूर्वक की भाऊ, तू मला कर्मापासून मुक्त केलेस. माझे जे कर्म होते ते मला भोगायला लावले आणि मला मुक्त केलेस. म्हणून त्याचे उपकार माना. ते काही मोफत सहन करावे लागत नाही, आपल्याच दोषांचा परिणाम आहे.
प्रश्नकर्ता : आणि प्रतिक्रमण तर दुसऱ्यांचे दोष दिसले, त्याचेच प्रतिक्रमण?
दादाश्री : दुसऱ्यांचे दोष एवढेच नाही, प्रत्येक बाबतीत, जसे की खोटे बोलले असाल, वाईट झाले असेल, जी काही हिंसा होऊन गेली असेल, कोणतेही पाच महाव्रत भंग झाले असेल, ह्या सर्वांचे प्रतिक्रमण करायचे.
२. प्रत्येक धर्माने दर्शविले प्रतिक्रमण भगवंताने सांगितले आहे की, आलोचना, प्रतिक्रमण आणि
