________________
ભાઈ, બહાર આંખો ખોલીને તું શું જુએ છે ? પૂછે છે સંત જિજ્ઞાસુને. બહાર છે શું ? તારે જોઈએ છે પ્રભુ. તો પ્રભુ અંદર છે. એ બાહ્ય જગતમાં ફેલાયેલી આંખો દ્વારા શી રીતે મળશે ?
પ્રભુ મળે શી રીતે ? ‘સાહિબ મિલ ગયે તિલ ઓલે...’ અહંકારના પડદાની પાછળ, અહંકારના તલની પાછળ તો એ હતા ! અહંકાર હતો, ત્યારે પ્રભુ દૂર હતા. અહંકાર ઓસર્યો ને પ્રભુ - આત્માનું, નિર્મળ સ્વરૂપ - દેખાવા લાગ્યું.
આત્મસ્વરૂપને પામવાની વિધિનાં ચરણો પૂજ્ય દેવચન્દ્રજી મહારાજે સુવિધિનાથ પ્રભુની સ્તવનામાં બતાવ્યાં છે :
દીઠો સુવિધિ જિણંદ સમાધિ ૨સે ભર્યો હો લાલ, ભાસ્યો આત્મસ્વરૂપ અનાદિનો વિસર્યો હો લાલ; સકલ વિભાવ ઉપાધિ થકી મન ઓસર્યો હો લાલ, સત્તા સાધન માર્ગ ભણી સંચર્યો હો લાલ...
સમાધિ રસથી સભર પ્રભુનું દર્શન, આત્મસ્વરૂપનું સ્મરણ, વિભાવોથી મનનું હટવું અને આત્મસત્તા પ્રાપ્ત કરવા ચાલી નીકળવું; આ ચાર ચરણો અહીં છે.
સમાધિ
સહજો બાઈ કહે છે : ‘ધ્યાતા થાકે ધ્યાનમેં, ધ્યાન ધ્યેય કે માંહિ; જનમ મરન મિટે સહજિયાં, ઉપસે વિનસે નાંહિ.'
સમાધિ શતક
૪૪
