________________
બાહિર દુઃખ...' દ્રષ્ટાભાવ આવ્યો, જાગૃતિ પૂરેપૂરી છે; હવે અસુખ ક્યાં રહ્યું ? હા, શરીરના સ્તર પર વેદના હોઈ શકે.
શિવપુરી બાબાને પુછાયેલું : કાંટો વાગે તો તમને શું થાય ? બાબાએ સામે પૂછ્યું ઃ થાય શું ? કાંટો વાગે તે જોવાનું. પછી તેમણે સમજાવ્યુંઃ પીડાનો બોધ હોઈ શકે, પરંતુ પીડા જોડે તાદાત્મ્ય નથી હોતું.
કેટલી સરસ વાત ! બહાર, શરીરના ખંડમાં કોલાહલ હોઈ શકે; ભીતરનો શયનખંડ શાંત, વાતાનુકૂલિત.
‘શાન્તસુધારસ’ના સમછાન્દસ અનુવાદમાં સુહૃદ્ધર, વિર્ય મુનિરાજ શ્રી ધુરન્ધરવિજયજી મહારાજે અનિત્ય ભાવના પર લખેલી પંક્તિઓ યાદ આવે :
મૂઢ ! તું મૂંઝ મા, મૂઢ ! તું મૂંઝ મા, ચિંતવી વિભવ પરિવાર ગેહ;
વાયુકંપિત તૃણે ઉદકબિન્દુ જિયું,
વિનય ! તું જાણજે જીવિત એહ...
પેખ નશ્વર સદા, વિષય સુખ મિત્રતા, જોતજોતાં જતી હાસ્ય સાથે;
એહ સંસાર છે ક્ષણિક જિમ એક પળ, ઝળહળે નિજથી મેઘ માથે...
સુખ અનુત્તર સુધીનું અતિશ્રેષ્ઠ જે, કાળથી તેય પામે વિનાશ;
તો પછી અન્ય કઈ વસ્તુ સંસારની,
સ્થિર થતી તે તું મનમાં વિમાસ
સમાધિ શતક
૧૪
