________________
વ્રતરહિત આત્મા વ્રત વડે અને વ્રતી આત્મા જ્ઞાન ગુણ વડે પરમાત્માના જ્ઞાનને અનુભવીને, પરમાત્મદશાની ઝલક મેળવીને પરમ પદને પામે છે.
એક મઝાનો સાધનાનો ગ્રાફ અહીં ઉંચકાયો. પહેલાં વ્રતો નહોતાં મળેલાં. સદ્ગુરુના માર્ગદર્શનથી અહિંસાદિ વ્રતો / મહાવ્રતો મળ્યાં. એ મહાવ્રતોના પાલન વડે ભીતરી યાત્રા પ્રારંભાઈ.
મહાવ્રતો... ચારિત્ર.. નિશ્ચય ચારિત્રની મઝાની આ વ્યાખ્યા થઈ : ‘ચારિત્રમાત્મવરાત્’. આત્મભાવમાં ચાલવું તે ચારિત્ર.
અહિંસાની વ્યાખ્યા મઝાની સવાસો ગાથાના સ્તવને આપી :
એકતા જ્ઞાન નિશ્ચય દયા,
સુગુરુ તેહને ભાખે;
જેહ અવિકલ્પ ઉપયોગમાં,
નિજ પ્રાણને રાખે...
નિર્વિકલ્પ ઉપયોગમાં રહેવું તે નિશ્ચય અહિંસા. વિકલ્પો દ્વારા વિભાવોમાં જવાય એ જ તો હિંસા છે ને ! નિર્વિકલ્પ ઉપયોગમાં સ્થિતિ એ છે એકત્વાનુભૂતિ. સ્વરૂપદશા સાથેનું એકત્વ.
સ્વરૂપદશાની આ રમણતા, એ પ્રત્યેનું એક અદમ્ય આકર્ષણ સાધકને નિર્મળ અંતરાત્મદશાની પ્રાપ્તિ કરાવશે.
સમાધિ શતક
/૧૯૪
