________________
એક વખત તેમની સાધના જોઈને પ્રભાવિત થયેલ એક દેવ તેમની પાસે આવે છે અને વિનવે છે કે આપના આ દર્દને દૂર કરવાની મને રજા આપો !
મહાત્માએ ના પાડી.
દેવે પૂછ્યું ઃ આપ કેમ ના પાડો છો ?
મહાત્માએ કહ્યું : આ પીડાને કારણે તો સાધનામાં મારી અપ્રમત્તતા બહુ સરસ રીતે રહે છે. આ પીડા જતી રહે અને રાત્રે ઊંઘ આવી જાય તો... ? પીડા તો છે વરદાયિની.
બીજી વાત પણ મહાત્માએ સમજાવી : સાધનામાં મારો ઉપયોગ તીવ્રતાથી જાય છે, ત્યારે પીડા જેવું ક્યાં કંઈ હોય છે ?
એક હિન્દુ સંતને આવી જ રીતે પીઠના પાઠામાં કીડાઓ પડેલા. એકવાર એક જીવડું નીચે પડી ગયું. તેને પ્રેમથી હાથમાં ઊંચકીને એ સંતે કહ્યું : તુઝે તો પ્રભુને યહાં ભેજા હૈ ન ? પડા રહે વહાં. ઔર મેરે માંસ કી મિજબાની ઉડાવ ! પ્રેમથી એ કીડાને સંતે પાઠામાં મૂકી દીધું.
મહાવિદેહ.
દેહાધ્યાસથી અત્યંત દૂરી.
આ માટે સાધકોએ કેવા ભિન્ન ભિન્ન ઉપાયો શોધેલા હોય છે ! આપણે જાણીને આશ્ચર્યચકિત પણ બનીએ અને એવા ઉપાયોના અમલીકરણનો વિચાર આપણી ભીતર ઘેરો પણ બને.
સમાધિ શતક
|૧૦૪
