________________
પણ આ વખતે તમે વાંચો છો એમ કેમ કહી શકાય ? તમારું મન, બાહ્ય મન, નવીનતાની તલાશમાં ભટકતું મન આ વાંચતું હતું.
ને અહીં સુધી તમે આવ્યા ને કોઈ વ્યક્તિ તમને મળવા આવી તો... ? પુસ્તક બંધ થઈ જશે. વાર્તાલાપ ચાલુ થઈ જશે.
આથી વિરુદ્ધ, તમે શાન્ત ચિત્તે વાંચી રહ્યા હો, એકાગ્રતાથી; કડીઓએ તમારા હૃદયનો કબજો લઈ લીધો હોય... એક ધારદાર પ્રશ્ન તમારા અન્તસ્ત૨ને વલોવી નાખે. મને ક્યારે આવી મગ્નતા મળશે ? ક્યારે ? ક્યા...રે ?
આ છે પરિપ્રશ્ન.
ઉત્તર મળે સદ્ગુરુ પાસેથી. એટલે ત્રીજું ચરણ સેવાનું બતાવ્યું. ગુરુનાં ચરણોમાં બેસી રહો. તેમનું શીળું સાંનિધ્ય.. તેમને પ્રભુમાં, સ્વગુણોની ધારામાં ડૂબેલા જોશો, તમને ખ્યાલ આવી જશે કે મગ્નતા શું છે.
મહાત્મા બુદ્ધ પાસે એક જિજ્ઞાસુ આવેલ. તેણે કંઈક પૂછ્યું. બુદ્ધ બહુ મોટા ગુરુ હતા. તેમને ખ્યાલ આવી ગયો કે માત્ર જિજ્ઞાસાને વશ આ પૂછી રહ્યો છે; પરિપ્રશ્ન ક્યાં છે તેની પાસે ?
બુદ્ધે કહ્યું : શું ઉતાવળ છે ? થોડો સમય રહે મારી પાસે. પ્રવચનો સાંભળ. ભિક્ષુઓ જોડે સત્સંગ કર... પેલાએ કહ્યું : ‘જી’.
સમાધિ શતક
| ૨૦
