________________
શ્રદ્ધા છે કે તું આવશે. તારે જે રીતે આવવું હોય એ રીતે આવ. ઝંઝાવાત થઈને આવ કે શીતળ લહેરખી થઈને આવ. ચુપચાપ આવ કે વાજતે ગાજતે આવ. મેં તો બધી જ તૈયારી કરી રાખી છે.... રાહ જોઉં છું. તારે આવવાનું નક્કી છે અને એટલું જ નક્કી છે મારે રાહ જોવાનું.’
પરમ-સ્પર્શની મઝાની આ ક્ષણો. એક પાક્ષિક પ્રેમનો આ મઝાનો વિસ્તાર... પ્રભુ સાથેનો એક પાક્ષિક પ્રેમ મધુર, મધુર... ‘મધુધિવત વિત મધુરમ્...'
પણ-
પર સાથેનો એક પક્ષીય પ્રેમ. એ તો ખાનાખરાબી કરી નાખે. એ માટે જ સૂત્ર આવ્યું : ‘પુત્રાદિકકી કલ્પના, દેહાતમ ભ્રમ મૂલ; તાકું જડ સંપત્તિ કહે, હહા મોહ પ્રતિકૂલ.’ આવી ભ્રમણામાં રાચનાર મનુષ્યને જડ કહીને સૂત્રકારે સરસ રીતે વાત ખોલી : જો તમારે પરની દુનિયામાં જ રાચવું હોય તો તમે ચૈતન્ય સભર - જ્ઞાન, આનંદથી સભર – કેમ હોઈ શકો ?
સમાધિ શતક ૧૧૭
