Updeshmala

SR No.: 023515
Original Sutra Author: N/A
Author: Unknown
Publisher: Unknown
Total Pages: 574
Language: Sanskrit, Hindi
Classification: Book_Devnagari
File Size: 15 MB

Page 390

उपदेशमालाविशेषवृत्तौ ॥ ३४८ ॥
रायाऽभयमापुच्छ, सो एवं तं पडिभणेइ ॥ ९२ ॥ अत्थाणीए अभितराए सिंगारसारदेहाओ । देवीओ इंतु तुम्भे, पडिगाहियरज्जलंकारे ॥ ९३ ॥ जा नियदिट्ठीए जिणेइ, तं लहुं मह कहेह तह चेव । विहियं अहोमुहीओ, ठियाउ सव्वा ॥९४॥ देविं सिवं निवेइयमेयं तुह चुलमाउगाए जिओ । भणइ अवसणा राओ, घेत्तूणं आढगस्स बलिं ॥ ९५ ॥ सा जं भूयं उट्ठेइ, जेसु अट्टालगाइठाणेसु । तस्स मुहंमि छुभिज्जा, कूरं तह चैव विहियंमि ॥ ९६ ॥ जाओ असिवोवसमो, पत्तो तत्तो वरो चत्थोवि । चिंतइ अभओ किञ्चिरमच्छीहामो परघरंमि ॥ ९७ ॥ मग्गइ पुव्वुवलद्वे वरे निवाओ जहाऽनलगिरिम्मि । तुब्भेसु मिंढभावं, गएसु देवीए उच्छंगे ॥ ९८ ॥ रहअग्गिभीरुदारुगभरेण जलणं विसामि इय इच्छा । अत्थि ममंतो कीरड, निव्वहणं निययवयंणस्स ।। ९९ ।। गंतुं ईहइ नियठाणमेस इय भाविऊण काऊण। सकारइ मइमहंतं, विसज्जिओ तेण तो अभओ || ३००|| अह भइ इमो धम्मच्छलेण तुब्भेहिं आणिओऽहमिह । काउं दीवगमाइचमारडंतं जइ न नेमि ॥ १ ॥ नयरीलोयसमक्खं, बंधेजं अभयनामगो संतो । तुभे ता जलणमुद्दे, विसामि इय कयपन्नो सो ॥ २ ॥ पत्तो रायगिहपुरे, ठिओ दिवसाणि कवयाणि तहिं । अप्पसमाऽऽगाराओ, दो घेत्तुं वेसजुवईओ ॥ ३ ॥ पत्तो उज्जेणीए, पडिगाहियवणिथवयणनेवच्छो । पारमपुत्रकाण - गाण निउणं च वाणिज्जं ॥ ४ ॥ गिन्हइ रायपहो गाढमेगमावासममरिसारूढो । अन्नदियहंमि ताओ, गणिया धूयाओ नरवणा ॥ ५ ॥ दिट्ठा ओलोयणसंठियाओ सविसेसगहियवेसाओ । निज्झाइओ य ताहिं दिट्ठीहिं विलासधवलोहिं ॥ ६ ॥ अंजलिबंध य कओ, तच्चित्तागरिसमंतजावोव्व । तत्थेव मणो मिलितु, सो गओ निययभवणंमि ॥ ७ ॥ परदारलोलयाए, दुई पेसेइ ताहिं कुवियाहिं । निद्वाडिया न राया, इय चरिओ होइ सा भणिया ॥ ८ ॥ बीर्यादिवसंमि सणियं, आरुसियाउ तइज्जए भणिया । सत्तमदिवसे अम्हाण, देउले होहिही जत्ता ॥ ९ ॥ तत्थवि रहो भविस्सइ, भाया रक्खेइ इय रहा निच्चं । पज्जोयसमागारो, मणुओ पज्जोयगो नाम ।। ३१० ॥ उन्मत्तउ कओ भन्नइ य, अभएण एस मे भाया। दिव्ववसेणं जाओ, इमेरिसो सारवेमि सया ॥ ११ ॥ रुद्धो रुद्धो निज्जइ, उक्खिविकणं रडंतओ संतो। आणिज्जइ पुणो पुण, भणतओ एरिसं वयणं ॥ १२ ॥ उट्ठह रे रे
अभयस्य वरदानप्राप्तिः ।
॥ ३४८ ॥