Updeshmala

SR No.: 023515
Original Sutra Author: N/A
Author: Unknown
Publisher: Unknown
Total Pages: 574
Language: Sanskrit, Hindi
Classification: Book_Devnagari
File Size: 15 MB

Page 256

उपदेशमाला-0 विशेषवृत्तौ ।
वनस्वामिचरित्रम् ।
॥२१४॥
सुरसुंदरीणं, पि उव्वणं जोव्वणं पत्ता ॥ ४६॥ तस्स वरजाणसालाए, साहुणीओ ठियाउ पइदिवसं । वइरस्स गुणे सरईदुनिम्मले संधुणंति जहा ॥४७॥ एस अखंडियसीलो, बहुस्सुओ एस एस पसमडूढो। एसो य गुणनिहाणं, एय सरित्यो परो नत्थि ।। ४८ ॥ इय गुरुगुणे सुणंती, सा दढमणुरागतप्परा जाया । वइरंमि वइरदढमाणसंमि पियरं भणइ एवं ॥४९॥ जइ मज्झ वरो वइरो, होही ताहं विवाहमीहेभि । जालाजालकरालो, जलणो मे अन्नहा सरणं ॥ २५० ॥ उत्तमकुलसंभूयाओ, विंति वरगा न सा समीहेइ । साहिंति साहुणीओ, जहा न वइरो विवाहेइ ॥५१॥ सा भणइ जइ न वइरो, मं परिणिस्सइ तया अहंपि धुवं । पव्वजं सज्जिस्सं, इय मह मणनिच्छउच्छाओ ।। ५२ ॥ भयवं पि वइरसामी, पाडलिपुत्तं कमेण संपत्तो। तुहिणुज्जलतज्जस-पसर-सवणरंजियमणो राया ।। ५३ ॥ नियपरियणसंजुत्तो, समागओ सम्मुहो समिक्खेइ । फडगफड्डगरूवेण, साहुणो नयरमभिइंतो ॥ ५४ ॥ तत्थोदारसरीरे, बहवे पासिय मुणी मणुयनाहो । पुच्छइ किमेस भयवं, इमो व ते बिति अन्नो सो ॥५५॥ एवं पप्फुलविलोयणेण रन्ना पुरस्स लोएण । दूरमुदिक्खिज्जतो, पत्तो मुणिमंडलाणुगओ ।। ५६ ॥ बहु बहुमाणपहाणं, महिमंडलमिलिउ मउलिणा रना । अभिवंदिओ य अभिणंदिओ य सप्पणयवयणेहिं ॥ ५७ ।। नयरुज्जाणमि ठिओ, खीरासवलद्धिणा तओ तेण । पारद्धा धम्मकहा, जणस्स संमोहनिम्महणी ॥ ५८ ॥ " खणदिद्वनदृविहवे, खणपरियत विविहसुहदुक्खे । खणसंजोगवियोगे, नत्थि सुहं किंपि संसारे ॥५९||" जओ-" खरपवणपया पोइणिदलग्गजलबिंदुचंचलं जीयं । लोललवलीदलावलिचवलतरा पेम्मपरिणामा ॥ २६० ॥” नवजलहरसिहरावलि-विलसिरतडिलेह चंचला लच्छी। करिकन्नतालतरला, नराण नवजोव्वणारंभा ॥ ६१ ॥ अणिवारणिजपसरा, सुहासुहा कम्मपरिणई जेण । ता जिणधम्म मोतुं, सरणं नहु किंपि संसारे ॥ ६२ ॥
Compacecrez
ORDERepeaceleratee
“धम्मु वच्छलु जणह जगि एक्कु, धम्मेण य धन्नु धणु धम्मि निरवज्जु लब्भइ । अइनिम्मलु धम्मु परि कुगइ तिक्खदुक्खई निरंभइ, निब्भरभूरिति भोगसुहकरि परहा देवाहं मोक्खसोक्ख जे सलहियहिं धम्मु सुपडु हूंताह(ई) ।। ६३ ॥"
| ॥२१४॥