Updeshmala

SR No.: 023515
Original Sutra Author: N/A
Author: Unknown
Publisher: Unknown
Total Pages: 574
Language: Sanskrit, Hindi
Classification: Book_Devnagari
File Size: 15 MB

Page 145

ब्रह्मदत्त
उपदेशमालाविशेषवृत्तिः
चक्रिसन्धिः
॥ १०३॥
20deorapezoercreezmoree
| पियं ॥ ४३ ॥ बोलीणे हत्थिभए, नीया कह कहवि परियणेण गिहं । तत्थवि न मजणाई देहठिई काउमभिलसइ ॥४४॥ मुद्दियमुहव्व केवलमच्छइ परिचत्तचित्तवावारा । पुत्ति! अकंडे तं कीस एरिसं पाविया वसणं ॥ ४५ ॥ इय भणिए सा साहइ तुझं सव्वं पयासणिज्जं मे । लज्जा एत्थऽवरज्झइ जइवि तहाविय भणामि अहं ॥ ४६॥ रक्खसरूवाओ तओ करिणो नियपाणदाणओ जेण । परिरक्खिया समं तेण पाणिगहणं जह न होही ॥ ४७ ॥ ता मे अवस्सं मरणं सरणंति तओ निसामिउं कहिओ। पिउणो इमीए सव्वो वुत्तंतो तेण वि समीवे ॥ ४८ ॥ तुम्हमहं पेसविया बालमिमं ता पडिच्छसु तुमति । कालोववनमेयंति मन्निया सावि कुमरेण ॥ ४९ ॥ वरधणुणोऽमच्चेण वि दिन्ना नंदाभिहाणिगा कन्ना । विहियं वीवाहजुगं जंति दिणा दोन्हवि सुहेण ॥ ४५० ॥ सयलकलंकविमुक्का उच्छलिया सव्वओ विय पउत्ती। जह पंचालनिवसुओ सव्वत्थ जयं उवलभंतो ॥५१॥ काणणमझे विझे जहा गइंदो निरंकुसो भमइ । वरधणुणा धणुकुलनंदणेण अणुगम्ममाणपहो । ५२ ॥ वाणारसिं गया ते अहऽन्नया ठाविउ बहिं कुमरं । कडयभिहाणं पंचालरायमित्तस्स पासंमि ॥ ५३ ॥ गच्छेइ वरधणू ताए सो कमलायरोव्व सूरुदये । जाओ हरिसपरवसो विलोयणे तस्स पुट्ठो य ॥ ५४ ॥ कुमरपउत्तिं तेणावि साहियं जह समागओ इहई । नियबलवाहणसहिओ निग्गओ सम्मुहो तस्स ॥ ५५ ॥ दिट्ठो कडएण निवाओ बंभनामाओ निविसेसेण । जयकुंजरमारोविय सियचामरवीइओ संतो ॥ ५६ ।। पडिपुन्नचंदमंडलनिभेण छत्तेण उवरि धरिएण । उग्गिज्जमाणचरिओ पए पए चारणगणेण ।। ५७ ॥ सो नीओ नयरऽन्भंतरंमि नियमंदिरंमि ठविओ य। कडगवई नियधूया पणामिया तस्स कडएण ॥ ५८ ॥ नाणाविह-हय-गय-रहवराइ सामग्गियप्पयाणेण । विहिओ वीवाहमहो पसत्थदिवसंमि कुमरस्स ॥ ५९॥ विसयसुहं सेवंतो जा चिट्ठइ ताव (एइ) दूयआहूया । धणुमंति पुष्फचूला, कणेरुदत्तो य संपत्ता ॥ ४६० ॥ तह सीहो नरनाहो भवदत्ताऽसोयचंदपामुक्खा । नियनियबलेहिं कलिया मिलियाऽणेगे निवा तस्स ॥ ६१ ॥ उक्तं हि-" यान्ति न्यायप्रवृत्तस्य, तिर्यश्वोऽपि सहायतां । अपन्थानं तु गच्छन्तं, सोदरोऽपि विमुञ्चति ॥ ६२ ॥” अहिसिंचिऊण सेणासामित्ते वरधणू तओ तरसा। दीहस्स पेल्लणकए कंपिल्लपुरंमि पेसविओ
20conomcomccccccorne