________________
લેવડ-દેવડમાં પોતાનું બોલેલું વચન લોપવું નહિ. કારણ કે પોતાના વચનને સ્થિર રાખનાર માણસ મહાન પ્રતિષ્ઠા (ખ્યાતિ) પામે છે. ૪૧
ધીરપુરુષોએ પોતાની વસ્તુનો નાશ થાય તો પણ ખરેખર પોતાના વચનને પાળવું. થોડા લાભ માટે જે પોતાના વચનને જતો કરે છે તે વસુરાજાની જેમ દુ:ખી થાય છે. ૪૨
આ પ્રમાણે વ્યવહાર કરવામાં તત્પર બનેલો તે ચોથો પ્રહર પસાર કરી સાંજનું વાળું કરવા પોતાને ઘરે જાય. ૪૩
જેણે એકાસણું વિ. પચ્ચક્ખાણ કર્યું છે તેણે આવશ્યક (પ્રતિક્રમણ) કરવા માટે સાંયકાળે ઉપાશ્રયે (સાધુ ભગવંતો હોય તે સ્થાને) જવું. - ૪૪
બુદ્ધિમાને સૂર્યાસ્તના ૯૬ મિનિટ પૂર્વે વાળું કરવું જોઈએ, સંધ્યાના સમયે વાળું નહિ જ કરવું અને રાત્રે તો બુદ્ધિમાન જમે જ નહિ. ૪૫
આહાર, મૈથુન, નિદ્રા અને વિશેષે કરીને સ્વાધ્યાય આ ચાર કર્મો સાંયકાળે ત્યજવા જોઈએ. ૪૬
સાંજે જમવાથી રોગ થાય છે, મૈથુન કરવાથી ગર્ભમાં દોષ ઉત્પન્ન થાય છે, નિદ્રા કરવાથી વ્યંતર-ભૂતાદિની પીડા થાય અને સ્વાધ્યાય કરવાથી બુદ્ધિની હીનતા થાય છે. ૪૭
વાળું કર્યા બાદ ‘દિવસચરિમ' પચ્ચક્ખાણ કરે જેમાં યથાયોગ્ય અશન, પાન, ખાદિમ અને સ્વાદિમ આ ચારે-ત્રણ-બે આહારનો ત્યાગ કરે. ૪૮
દિવસની શરૂઆતમાં અને પૂર્ણાહુતિમાં બે બે ઘડી (૪૮-૪૮ મિનિટ) આહારનો જે ત્યાગ કરે છે તેને રાત્રિભોજનના દોષનો જાણકાર અને પુણ્યનું ભાજન જાણવો. ૪૯
૧૯
