________________
પૂર્વદિશા તરફ મોઢું કરી પૂજા કરવાથી લક્ષ્મી મળે છે, આગ્નેય દિશા તરફ સંતાપનો સંભવ રહે છે, દક્ષિણ દિશામાં મૃત્યુ થાય અને નૈઋત્યમાં ઉપદ્રવ થાય છે. ૨૬ પશ્ચિમ દિશામાં મુખ રાખવાથી પુત્ર સંબંધિ દુઃખ, વાયવ્ય દિશામાં અસંતતિ, ઉત્તરમાં મહાલાભ અને ઈશાન ખુણે રહી પૂજા કરવાથી ઘરમાં વસવાનું ન રહે. ૨૭ અનુક્રમે (જમણા-ડાબા) બે પગ, બે જાનુ (ઢીંચણ), બે હાથ (કાંડા), બે ખભા અને મસ્તકે (શિખા) વિવેકી આત્માએ શ્રીજિનેશ્વરની પહેલી પૂજા કરવી, ૨૮ ત્યારબાદ લલાટ, કંઠ (ગળું), હૃદય અને નાભિએ તિલક કરવું જોઈએ અને આ પૂજા ઉચ્ચજાતિના ચંદનમાં કેશર ભેળવીને કરવી. ૨૯
સૂર્યોદયબાદ શુદ્ધ વાસક્ષેપથી, મધ્યાહ્ન પુષ્પાદિકથી, તેમજ સાયંકાળે ધૂપ-દીપવડે પંડિતો પૂજા કરે. ૩૦.
એક પુષ્પના બે ટુકડા ન કરવા, ફુલની કળી તોડવી નહિ, પાંડદાથી કળી જુદી કરવાથી હત્યા કરવા જેવું પાપ લાગે છે. ૩૧ હાથમાંથી ખરી પડેલું, પગનો સ્પર્શ થયેલું, જમીન ઉપર પડેલું, માથાપર ધારણ કરેલું ફુલ પૂજા માટે ક્યારે પણ યોગ્ય ન ગણાય. ૩૨
સુવાસ વગરનું, દુર્ગધવાળું, હલકા મનુષ્યોએ અડેલું, કીડાઓએ ખાધેલું અને અશુદ્ધ વસ્ત્રમાં રાખેલું ફુલ પૂજામાં વાપરવું નહિ. ૩૩
પ્રભુના ડાબા પડખે ધૂપ કરવો, જળનો કુંભ સામે રાખવો તેમજ જિનેશ્વરના હાથમાં નાગરવેલનું પાન અને ફળ મૂકવું. ૩૪ સ્નાત્ર (અભિષેક)-૧, ચંદન (કેશર)-૨, દીપ-૩, ધૂપ-૪, પુષ્પ-૫, નૈવેદ્ય-૬, જળ-૭, ધ્વજ-૮, વસ્ત્ર-૯, અક્ષત-૧૦, સોપારી-૧૧, પત્ર (નાગરવેલના પાન)-૧૨, દેવદ્રવ્યવૃદ્ધિ-૧૩, ફળ-૧૪, વાજિંત્ર-૧૫, ગીતગાન-૧૬ નૃત્ય (નાટક)-૧૭, સ્તુતિ-૧૮, છત્ર-૧૯, શ્રેષ્ઠ ચામર-૨૦ અને આભરણ (આંગી)-૨૧ એમ એકવીશ પ્રકારે શ્રીઅરિહંતની પૂજા થાય છે. ૩૫
