________________
દૂર રહેલા, અઘરાં આને દેવો માટે પણ મુશ્કેલ એવા સઘળાં કાર્યો તપ વડે સિદ્ધ કરી શકાય છે. માટે તપ ખરેખર સર્વશ્રેષ્ઠ છે. પ૫.
ધાર્મિક વિધિ કર્યા બાદ બુદ્ધિમાન માણસ બજારે જાય, ત્યાં અર્થોપાર્જનના કારણભૂત પોતપોતાનો (કુળ પરંપરાથી આવેલો અનિંદ્ય) વ્યાપાર કરે. ૫૬
મિત્રોના ઉપકાર માટે અને ભાઈઓ વિ. સ્વજનોના ઉત્કર્ષ માટે સજ્જન માણસ ધન મેળવે કેવળ પોતાનું પેટ તો બધાં જ ભરે છે. ૫૭
જગતમાં ગૃહસ્થને માટે વ્યાપાર કરી આજીવિકા મેળવવી તે ઉત્કૃષ્ટ કહેવાય, ખેતી કરીને આજીવિકા મેળવવી તે મધ્યમ કહેવાય, નોકરી કરીને આજીવિકા મેળવવી તે જઘન્ય (અધમ) કહેવાય અને ભીખ માગીને આજીવિકા મેળવવી તે અધમાધમ કહેવાય. ૫૮
વ્યાપાર કરનારે હલકો વ્યાપાર ન કરવો, બીજા પાસે પણ નહિ કરાવવો. કારણ કે લક્ષ્મી પુણ્યને અનુસરનારી છે જે પાપ કરવાથી ક્યારે પણ વધતી નથી. ૫૯.
ઘણી હિંસાના કારણે મોટું પાપ બંધાવનારું, જગતમાં લોકોવડે નિંદા થાય તેવું અને આ લોક-પરલોકમાં અહિત કરનારું હોય તે કાર્ય ન કરવું. ૬૦
ઘણું ધન મળતું હોય તો પણ લોહાર, ચમાર, દારૂ ગાળનાર, અને ઘાંચી વિગેરે સાથે વ્યાપાર કરવો નહિ. ૬૧
આ રીતે પ્રથમ પ્રહરનો સઘળો વિધિ કરતો, શ્રદ્ધાવાન, વિશુદ્ધ વિનયવાન, ન્યાયનીતિથી શોભતો, વિજ્ઞાનને માન આપી જનરંજન કરવામાં તત્પર એવો શ્રાવક પોતાના આ લોક અને પરલોક એમ બેય જન્મને સફળ કરે. ૬૨
