________________
१४५
श्रीसिद्धप्राभृतं सटीकम् राया अहिसित्तो तर्हि संखेज्जगुणा, तओऽणंतरसमए संखेज्जगुणहीणा । पुणो बितिए समए अप्पाणंतरेण जहिं समए पव्वइओ तहिं संखेज्जगुणा, तओऽणंतरसमए संखेज्जगुणहीणा । बितिए समए अप्पाणंतरेणं जहिं केवलं उप्पण्णं तहिं संखेज्जगुणा, 'तओऽणंतरसमए संखेज्जगुणहीणा । बितिए समए अप्पाणंतरेण जहिं परिणिव्वुओ तहिं जवमझं, तेण परं विसेसहीणा । एवं एक्केक्कम्मि तित्थगरे तित्थगरे। कालसेढी गया ॥ गइसेढी इच्छियव्वा-णेरईएहिं दसवाससहस्सिगेहिं जे अणंतरागया सिझंति ते बहुगा, तेण परं विसेसहीणा जाव उक्कस्सिगा ठिइ त्ति । परंपरोवणिहियाए पलियपुहुत्तं गंतुं दुगुणहीणा, एवं जाव उक्कस्सिया ठिइ त्ति अप्पाबहुयं, उक्कस्सियाए ठिईए अणंतरागयसिद्धा थोवा १, जहण्णियाए संखेज्जगुणा २, अजहण्णाणुक्कस्सियाए अणंतरागया संखेज्जगुणा ३, अजहण्णाए विसेसाहिया ४, अणुक्कस्साए विसेसाहिया ५, सव्वासु विसेसाहिया ६ । मणुस्सेहिं जहण्णियाए ठिईए अणंतरागया थोवा सिझंति १, तेण परं विसेसाहिया विसेसाहिया जाव चउरासिपुव्वसयसहस्साणि त्ति । तहिं दोसु ट्ठाणेसु जवमज्झं, तेणं परं विसेसहीणा जावुक्कस्सिगा ठिइ त्ति । परंपरोवणिहियाए अंतोमुहुत्तं गंतुं दुगुणा, एवं जाव जवमझं, जवमज्झस्सुवरि तत्तियं चेव गंतुं दुगुणहीणा, एतेण कारणेणं जहण्णिगाए ठिईए अणंतरागया थोवा सिझंति १, उक्कस्सियाए संखेज्जगुणा २, जवमज्झे संखेज्जगुणा ३, जवमझुवरिं असंखेज्जगुणा ४, हेट्ठओ विसेसाहिया ५, सव्वे विसेसाहिया ६ । तिरिक्खजोणिगा जहण्णियाए पज्जत्तगणिव्वत्तीए अणंतरागया सिद्धा थोवा, तेण परं विसेसाहिया । एवं जहा मणुस्साणं दुविहा सेढी अप्पाबहुयं च तहा तिरियाणं पि भाणियव्वं । भवणवासीहिं दसवासहस्सिगाए ठितीए अणंतरागया बहुगा १, तेण परं विसेसहीणा विसेसहीणा जाव उक्कस्सिगा ठिइ त्ति । जहा णेरइयाणं दुविहा सेढी अप्पाबहुयं च तहा भवणवासीणं पि भाणियव्वं भावणवासिणीहिं दसवाससहस्सिगाए ठितीए अणंतरागया बहुगा १, तेण परं
१. 'तओ बितिए समए विसेसाहिया जहिं परिणेव्वुओ' इति ङ।
