________________
१३८
श्रीसिद्धप्राभृतं सटीकम् चरित्तपच्छाकडसिद्धा असंखेज्जगुणा ३ 'छेयचउक्कं संखे'त्ति तओ सामाइयच्छेयसुहुमाहक्खायचउचरित्तपच्छाकडसिद्धा संखेज्जगुणा ४, 'सामाइतियं च संखगुणं ति सामाइयसुहमाहक्खायतिचरित्तपच्छाकडसिद्धा संखेज्जगुणा ५ ॥१०२ ॥
बुद्धद्वारमाहथोवा उ सयंबुद्धा, पत्तेयाई हवेज्ज संखगुणा । ॥ दारं ॥ दुगचउतिगणाणीणं, थोव असंखा य संखगुणा ॥१०३॥ मणपज्जवणामतिगे, दुगे चउक्के मणस्स णाणस्स । थोवा संख असंखा, ओहितिगे होति संखेज्जा ॥१०४॥॥दारं ॥
"थोवा उ सयंबुद्धा" गाहा ॥ सव्वत्थोवा सयंबुद्धसिद्धा १, सेसा पत्तेयादी तिण्णि वियप्पा जहक्कम संखगुणा ॥ पच्छद्धेण णाणदारमाहसव्वत्थोवा दुणाणपच्छागडसिद्धा १, चउनाणपच्छागडसिद्धा असंखेज्जगुणा २, तिण्णाणपच्छागडसिद्धा संखेज्जगुणा ३ ॥१०३॥ एवं ता अव्वंजिए, वंजिए आह-"मणपज्जव" गाहा ॥ आभिणिबोहियसुयणाणमणपज्जवतिणाणपच्छागडा सव्वत्थोवा १, आभिणिसुयणाणपच्छाकडा संखगुणा २, एवं पच्छद्धणं संखा जोएयव्वा । 'चउक्के मणस्स णाणस्स'त्ति मणणाणचउक्कपज्जंतपच्छाकडा असंखेज्जगुणा ३, मइसुतोहितिनाणपच्छाकडा संखेज्जगुणा ॥१०४॥ णाणे त्ति गयं ।
ओगाहणाद्वारमाहओगाहणा जहण्णा, थोवा उक्कोसिया असंखगुणा। तत्तो वि असंखगुणा, णायव्वा मज्झिमाए वि ॥१०५॥ ॥ दारं ॥
"ओगाहणा" गाहा ॥ ओगाहणा जहण्णा दुहत्था, तीए सव्वत्थोवा १, उक्कसिया धणुपुहुत्ताहिगपंचधणुसइगा, तीए असंखगुणा २, तत्तो वि असंखगुणा मज्झिमाए ३ त्ति सुत्तत्थो । विसेसत्थो पुण इमो-सव्वत्थोवा पंचधणुसइगाए ओगाहणाए सिद्धा १, साइरेगपंचधणुसइगाए असंखेज्जगुणा २, ऊणगपंचधणुसइगाए संखेज्जगुणा ३ । सत्तरतणिगाए सिद्धा सव्वत्थोवा १,
