________________
(૩૩) ત્રેસઠ શલાકાપુરૂષના મળીને કુલ જીવ, કાચા, પિતા અને માતાની
સંખ્યા અને ગતિ तेसठ्ठिसिलाकाणं, पदवी तिसठ्ठी आगमे भणिया । एगुणसठ्ठी जीवा, सट्ठी पुण हुंति कायाओ ॥ ६० ॥
અર્થ: ત્રેસઠ શલાકા (ઉત્તમ) પુરૂષોની ત્રેસઠ પદવીઓ આગમમાં કહી છે, તે સર્વના મળીને જીવો ઓગણસાઠ છે અને કાયાઓ સર્વ મળીને સાઠ થાય છે. કેમકે શાંતિનાથ, કુંથુનાથ અને અરનાથ એ ત્રણ જીવે તીર્થંકર પદવી અને ચક્રવર્તી પદવી એ બે એક શરીરે ભોગવવાથી શરીર ૬૦ તથા મહાવીરસ્વામીના જીવે ત્રિપૃષ્ટ વાસુદેવની પદવી જુદા શરીરે ભોગવેલી હોવાથી જીવ ઓગણસાઠ થાય છે. (૬૦)
तेसिं बावन्न पिया, तस्स णं हुंति इगसठ्ठि जणणीओ। वीसं तु निरयगइओ, अवसेसाणं च सुगइगई ॥ ६१ ॥
અર્થ: તે ત્રેસઠ ઉત્તમ પુરૂષોના કુલ પિતા બાવન થાય છે (કેમકે નવ વાસુદેવ અને નવ બળદેવના પિતા એકજ હોવાથી તથા શાંતિનાથ, કુંથુનાથ અને અરનાથ એ બબે પદવીવાળાના પણ એક એકજ પિતા હોવાથી બાર ઓછા થતાં એકાવન થયા, અને મહાવીરના પિતા બે (ઋષભદત્ત ને સિદ્ધાર્થ) હોવાથી એક વધારતાં બાવન થાય છે.) તે ત્રેસઠની માતાઓ એકસઠ થાય છે. (કેમ કે શાંતિ, કુંથુ અને અરનાથની તીર્થકર ને ચક્રીપણાની એક જ માતા હોવાથી ત્રણ ઓછી કરતાં અને મહાવીરની માતા બે (દવાનંદા ને ત્રિશલા) હોવાથી એક વધારતાં એકસઠ થાય છે.) તે ત્રેસઠમાંથી વીશ પુરૂષો નરક ગતિમાં ગયા છે (નવ વાસુદેવ, નવ પ્રતિવાસુદેવ અને બે ચક્રી કુલ ૨૦) અને બાકીના તેતાલીશમાંથી ત્રણ તીર્થંકર ને ચક્રી એકજ હોવાથી ત્રણ બાદ કરતાં ૪૦ સુગતિમાં ગયા છે એટલે સ્વર્ગે કે મોક્ષે ગયા છે. (૬૧).
રત્નસંચય - ૪૮
