________________
લેતાં કહ્યું કે તમારી જેમ હું પણ ભૂતકાળને ભૂલી જવા તૈયાર છું.
આ દશ્ય જોઈને વંથલીથી આવેલા રાજસેવકો સન્ન થઈ ગયા. એમણે પણ આઈના પગ પકડી લેતાં આખું વાતાવરણ જ પલટાઈ ગયું. પણ પહેલાં જ્યાં આગ ઝરતી હતી, ત્યાં જાણે વાત્સલ્યનો બાગ ખીલી ઊઠ્યો. ચારણના હાથનો હડસેલો ખાઈને પડી ગયેલાં આઈ ધોળીને સખત માર લાગ્યો હતો. એથી માંડ માંડ બેઠાં થઈને એમણે હૈયાની ભાવના રજૂ કરતાં કહ્યું કે, આંગણે આવેલાને આશરો આપવાની મારી ટેક અડીખમ રહે, એ માટે હું ઇચ્છું છું કે, વંથલીના આ રાજવી વંથલીની જેમ સંપૂર્ણ પ્રજા સાથે ખેત-પ્રીતથી હળીભળી જાય. ગરાસદારો વેરઝેર ભૂલી જાય અને મારા આ ચારણને વંથલીના દરબારમાં રાજકવિ તરીકેનું સ્થાનમાન પ્રાપ્ત થાય.
ધોળી આઈની આ ભાવનાને સૌએ સમસ્વરે વધાવી લીધી. જાનના જોખમે એમણે ટેક જાળવવાની તૈયારી દર્શાવી, તો અણધારી રીતે જ વાતાવરણનો કણેકણ, ઉપસ્થિત લોકોનું મન અને રાજવી ઉપરાંત ચારણનું જીવન જ જાણે પુણ્યપલટો પામી ગયું. ઇતિહાસમાં એવો ઉલ્લેખ જોવા મળે છે કે, આ પછી આઈ ધોળી લાંબો સમય જીવ્યાં નહિ. પણ આ ઘટનાના માધ્યમે તેઓ આજે પણ જીવંત હોવાની પ્રતીતિ થયા વિના રહેતી નથી, આ પણ એક હકીકત નથી શું ?
સંસ્કૃતિની રસધાર ભાગ-૨
૧૧
