________________
૮૩
મહારાણી વધુ પ્રભાવશાળી છે. તેમ છતાં આ મહારાણીને સંસારમાં વાંઝણી જાહેર કરવામાં આવી છે.
એક વખત મહારાણીને પુત્ર પ્રાપ્ત કરવાની ઇચ્છા થઇ. ફળસ્વરૂપ પૂર્વ સ્વપ્નસૂચિત એને સુમતિ નામનો પુત્ર ઉત્પન્ન થયો, પરંતુ આ પુત્રને કોઇની નજર ન લાગે તે માટે મંત્રીઓએ મહારાણીને વાંઝણી જાહેર કરી. વાંઝણીની લોકમાન્યતાથી ગભરાઇને મહારાણીએ ફરીથી પુત્ર પ્રાપ્તિની ઇચ્છા કરી.
રાજાએ રાણીની ઇચ્છાનો સ્વીકાર કરીને કહ્યું કે તને પુત્ર પ્રાપ્તિ થશે. આ દૃષ્ય જોઇને રાજા-રાણીની પુત્રવધૂ અશુધ્ધ ચેતના (ભવિતવ્યતા)એ કહ્યું કે મારો સસરો તો બહુ બાળો-ભોળો છે, મારી સાસુને લાખો, કરોડો, અબજો પુત્રો થઇ ગયા છે, તેમ છતાં તે પોતાની જાતને વંધ્યા, અપુત્રવાન્ માને છે. અને પુત્ર જન્મ થાય તેવી ઇચ્છા રાખે છે માટે સાસુને બાળકુમા૨ી માનવી પડે છે.
જ્યારે સંસારી જીવ અવ્યવહાર રાશિમાંથી નીકળીને વ્યવહાર રાશિમાં આવે છે ત્યારે તે કર્મપરિણામ રાજા કાળપરિણતિ મહારાણીનો પુત્ર માનવામાં આવે છે. આ પુત્રને ભવિતવ્યતા નામની સ્ત્રી પ્રાપ્ત થાય છે. સંસારી જીવો પર આ ભવિતવ્યતા રૂપી સ્ત્રીનું જોર બહુ ચાલે છે. (પ્રભાવ પડે છે.)
આ સ્વાધીનતા પતિ ભવિતવ્યતા પતિદેવને અનેક ભવ સંબંધી ગોળીઓ ખવડાવે છે, જુદા જુદા ભવોમાં ભ્રમણ કરાવે છે. આ ગોળીનો રસ પતિદેવે ગળામાં ઉતારવો પડે છે. તેના રસ અનુસા૨ પતિદેવનું નામ અને રૂપ નક્કી થાય છે. ભવિતવ્યતાનો ચેતનદેવ સાથે થોડો પણ શરીર સંબંધ થતો નથી. ભવિતવ્યતા તો પ્રાણીને એકજ ભવમાં ભોગવવાનાં કર્મો આપે છે. મતલબ કે ચારગતિમાં જીવાત્મા ભ્રમણ કરે છે.
