________________
૭૦
પિતાના નામનો પ્રહેલિકામાં ઉલ્લેખ કર્યો છે. પોતાનું નામ પદ્વી સાથે આડાઅવળા અક્ષરોમાં દર્શાવ્યું છે. આ રચના વિ. સં. ૭૩૩ ની છે. પ્રહેલિકા જૈન અને જૈનેતર સંસ્કૃત ગ્રંથોમાં શબ્દાલંકાર પ્રયોગ રૂપે માનવામાં આવે છે. પ્રહેલિકાનો ઉદ્દભવ પાંચ હજાર વર્ષ જેટલો પ્રાચીન છે. વર્તમાન હરિયાળીમાં પ્રહેલિકા પણ પ્રેરક બની છે.
(૨-૩) પં. નંદિસહજગણિના શિષ્ય કે ભક્ત અભયપ્રભગણિએ લખેલી પણ અજ્ઞાતકક તેત્રીસ હરિયાળીઓ. આને મેં “હરિયાળી સમુચ્ચય” એ નામે ઓળખાવી છે. આના અંતમાં અભયપ્રભગણિએ રચેલી એક હરિયાળી છે. આમ જે ૩૪ હરિયાળીઓ છે તેમાં ત્રણ સંસ્કૃતમાં, બે પાઈયમાં અને બાકીની ૨૯ ગુજરાતીમાં છે.
(૪) ભોજવિજયે લખેલી અને કર્તાના નામ વિનાની ચોર્યાસી હરિયાળીઓ. આમાં બે હરિયાળીઓનો અંક ૩૭નો અપાયેલો છે એટલે ખરી રીતે ૮૫ હરિયાળીઓ છે. એને મેં “હરિયાળી-કદંબક નામ આપ્યું છે. એમાં એક હરિયાળી સંસ્કૃતમાં છે; બાકીની ગુજરાતીમાં છે.
(૫-૭) લેખક કે કર્તા કોણ છે એના નિર્દેશ વિનાની ૨૫ હરિયાળીઓ. એના પછીની એક હરિયાળી એ જ પાનામાં એ જ હસ્તાક્ષરમાં લખાયેલી હોય એમ જણાય છે. ત્યાર બાદ જેની પાસે આ પાનું હશે તેણે આમાં સંસ્કૃતમાં એક હરિયાલી નોંધી છેમા હરિયાળીઓને મેં “હરિયાળી-નિકર” એવું નામ આપ્યું છે.
(૮) પ્રકીર્ણક હરિયાળીઓ. જુદી જુદી હાથપોથીમાંથી જે છૂટીછવાઈ અને કર્તાના નામ વિનાની હરિયાળીઓ મને મળી છે તેને માટે મેં આ નામ યોજ્યું છે.
(૯) લીંબડીના ભંડારના સૂચીપત્રમાં “અજ્ઞાતકક તરીકે ઓળખાવાયેલી હરિયાળીઓ.
