________________
૨૧૯
વાત ઉત્પ્રેક્ષા દ્વારા દર્શાવાઈ છેઃ ઈન્દ્રાણીને એમ લાગ્યું કે પોતાના પતિ ઈન્દ્ર એના ઉપર હવે કૃપા રાખતા નથી. આથી એ શોકાતુર બને છે. - ૨.
આ હરિયાળી ‘ડોક્ટર’ની ઉપાધિથી વિભૂષિત વ્યક્તિની છે. એ રચતી વેળા મેં સરસ્વતી દેવીના સત્ત્વનું સ્નેહનું સ્તવન કર્યું છે અર્થાત્ આ હરિયાળી રચવામાં શારદા દેવીએ જાણે મને સહાયતા કરી છે એમ હું કહું છું. વિશેષમાં ‘હીર’થી હું મારું નામ પણ સૂચવું છું.
હું આ હરિયાળી રચી શક્યો છું તો એથી અન્ય જે લોકોને આનંદ થયો હોય તેમને પોતાને ઘેર આસોપાલવનાં તોરણ બાંધવા અને ‘પ્રસાદ’ વહેંચવા એમ સૂચવું છું. ઉત્તરાર્ધ વડે હું ‘રાજેન્દ્ર’ની જોડે ‘પ્રસાદ’ શબ્દ ઉમેરું છું અને આમ ‘રાજેન્દ્રપ્રસાદ’ એવું આખું નામ ઊભું કરું છું. વર્ષો પછી થયે આપણો દેશ સ્વતંત્ર બન્યો છે અને એના પ્રમુખ તરીકે ડો. રાજેન્દ્રપ્રસાદ છે એટલે આનંદનો ડંકો ભારતવાસીઓ વગાડે એમ હું સૂચવું છું. આ ડંકો બિહારના નિવાસીને બિહારમાં વિહરનારને નામે વગાડવાનો છે. આ દ્વારા ઉપરનું જે નામ અભિપ્રેત છે એ વાત કહેવાઈ છે. ડો. રાજેન્દ્ર પ્રસાદને ‘બાબુ’ કહે છે. લોકો એનો જયનાદ પોકારે છે. ચંદ્રમામાં જે લોકમાન્યતા મુજબ હરણ છે. તે આ જયનાદ સાંભળે છે. એવી મેં કલ્પના કરી છે.
પ્રકરણ - ૩/૪ સંખ્યા મૂલક હરિયાળી (સાંકેતિક)
હરિયાળીમાં પ્રતીકોની વિવિધતા રહેલી છે. કેટલાંક સાંકેતિક પ્રતીકો દ્વારા રહસ્યમય અભિવ્યક્તિ કરીને સાંપ્રદાયિક વિચારોની અર્થઘન અભિવ્યક્તિ કરી છે આવા સંખ્યામૂલક શબ્દ પ્રયોગોનો અર્થ તેમાં રહેલા વૈવિધ્યપૂર્ણ વિચારોનું પ્રતિનિધિત્વ કરે છે. પ્રત્યેક શબ્દનો અર્થ તત્ત્વજ્ઞાનને સ્પર્શીને આત્મસ્વરૂપની સાથે સંબંધ ધરાવે છે. અહીં ઉદયરત્ન અને
