________________
૨ ૧૧
૧૧
એહ શ્રેષ્ઠિસંત મુનિવર કેરી ગૂંથી હરિયાળી હીરે રે, વિક્રમ કેરા વર્ષે યક્ષે મંડિત સહસ્ત્રાયુમે રે, શુક્ર માસના પક્ષે શુકલે ત્રયોદશી શશિવારે રે, આર્યાવર્ત નન્દનવનશા પ્રાન્ત જન્મસ્થળમાં રે. ૩-૭
અર્થ : “ભારત વર્ષની-આપણા આ દેશની જે શિષ્ટ-વિશિષ્ટ લિપિઓ છે તેમાં ગુર્જરી યાને ગુજરાતી લિપિ ગુણની અપેક્ષાએ મહત્ત્વનું સ્થાન ધરાવે છે. એમાં ત્રણ અક્ષરો-વર્ણો એવા છે કે જે અંક જેવા જણાય છે. - ૧.
આ ત્રણ અક્ષરો પૈકી એકના પેટમાં તેમ જ મુખમાં મોદક યાને લાડુ જાણે ન મૂક્યો હોય એમ લાગે છે. એ અક્ષરના મસ્તક ઉપર દડો સ્થપાતાં આ હરિયાળીમાં જે મહાનુભાવનું નામ મેં ગૂંચ્યું છે તે નામનો અર્ધ ભાગ તૈયાર થાય છે. - ૨.
જે ચાળણીનું સ્મરણ કરાવે છે, જે સ્ત્રીના મુખને ઢાંકે છે અને જેને અંગ્રેજો તેમ જ ગુજરાતીઓ ત્રણ અક્ષરનો બનેલો કહે છે તેનો આદ્ય અક્ષર પૂર્વોક્ત અક્ષરની સાથે જોડતાં ઉપર્યુક્ત મહાનુભાવનું પૂરું નામ બને છે.
જેમણે લગ્ન બાદ પ્રથમ રાત્રિએ આઠ પત્નીને પ્રતિબોધ પમાડ્યો અને જેમના સમાગમથી પ્રતિબોધ પામી ચોરોએ પણ જૈન દીક્ષા ગ્રહણ કરી તેમ જેઓ આપણા આ દેશમાં ચાલુ “અવસર્પિણી કાળમાં પાંચમા આરામાં અંતિમ કેવળી બન્યા એ શ્રેષ્ઠિપુત્ર મુનિવરની હરિયાળી મેં - હીરાલાલે વિ.સં. ૨૦૧૩માં જેઠ સુદ તેરસને સોમવારે આ આર્યાવર્તના “નન્દન વન સમાન પ્રાન્તમાંની મારી જન્મભૂમિમાં રચી. ૩-૭
ઉકેલ - આ હરિયાળી દ્વારા આર્ય જંબુ મુનિવરનું નામ રજૂ કરયું છે. ગુજરાતી લિપિમાં જ, ૫ અને ૨ એ ત્રણ અક્ષરો અંકનો ભાસ કરાવે
