________________
૧૭૨
(૧૨) આન્તરીક શુદ્ધપ્રેમ લગ્ન વિષે હરિયાળી પ્રભુની સાથે બાંધોરે, પ્રેમનો સંબંધ સાચો; પ્રભુથી પ્રેમ જોડીરે, આનન્દરસમાંહી રાચો. પ્રભુની. ચાર ભાવના ચોરી બાંધી, વિવેક માંડવો સાર; સંયમના લીલુડા વાંસો, ભક્તિ ઘટ જયકાર; શ્રદ્ધાના તોરણ બાંધીરે, મનમાંહી બહુ માચો. પ્રભુની. ૧ સમકિતનાં પિયરીયાં પ્યારાં, વિવિધ ગીતો ગાય; શુભ પરિણતિ સાહેલી વૃન્દો, આનંદથી ઉભરાય; ભાવથકી શૃંગારો રે પહેરે, ભાવ નહિ કાચો. પ્રભુની. ર ભાવચરણ સાસરીયાં આવ્યાં, ઉત્તમ જાનજ લેઇ; આત્મપતિનું લગ્ન કરવા, અન્તર્ લક્ષ્યને દેઈ; વાજીંત્રો વાગે પ્યારાં રે, અનહદ ધ્વનિ કે. પ્રભુની. ૩. સત્યતણી દુંદુભિ ગાજે, બેન્ડ શીલ સુખકાર; ઐક્ય ભાવની વેદી આગળ, બેઠાં બન્ને જયકાર; વર વહુ પરણે રે, ચાર ફેરા ફરે ધારી. પ્રભુની. ૪ નિઃસંગ દશાનો પહેલો ફેરો, બીજો સ્વાર્પણ ફેરો; એકતાનનો ત્રીજો ફેરો, ચોથો અનુભવ લ્હેર; પરણ્યા એમ બન્ને રે, અત્તમ સુખકારી. પ્રભુની. ૫ આતમ તે પરમાતમ સાચો, પ્રભુ ખરો દિલમાંહી; લગ્ન ખરાં સમતાનાં તેથી, અન્તર્ દૃષ્ટિથી આંહી; બુદ્ધિસાગર સેવો રે, પ્રેમનો સંબંધ બાંધી. પ્રભુની. ૬
ભજનપદસંગ્રહ. ભા.-૮, પા.-૭
