________________
૧૬૯
માતાનું વચન સુણીને જમવાને બહુ પ્રેમશું, બુદ્ધિ બાજોઠ ઢાળી બેઠા થઇ હોંશિયાર, વિનય થાળ અજુઆલી લાલન આગળ મૂકિયો, વિવેક વાટકી શોભાવે થાળ મોઝાર, માતા વામાદે. ૨.
સમકિત શેલડીના છોલીને ગાંઠા મૂકિયા, દાનના દાડમ દાણા ફોલી આપ્યા ખાસ, સમતા સીતાફળનો રસ પીજો બહુ રાજિયા,
જુક્તિ જામફળ આરોગોને પ્યારા પાસ. માતા વામાદે. ૩
મારા નાનડીયાને ચોખ્ખા ચિત્તના ચુરમાં, સુમતિ સાકર ઉપર ભાવશું ભેળું ધૃત, ભક્તિ ભજિયાં પીરસ્યાં પાસકુમારને પ્રેમશું,
અનુભવ અથાણાં ચાખો ને રાખો શરત. માતા વામાદે, ૪
પ્રભુને ગુણ ગુંજાને જ્ઞાન ગૂંદવડાં પીરસ્યા, પ્રેમના પેંડા જમજો માન વધારણ કાજ, જાણપણાની જલેબી જમતાં ભાંગે ભૂખડી,
દયા દૂધપાક અમીરસ આરોગોને આજ. માતા વામાદે. ૫
સંતોષ શીરો ને વળી પુન્યથી પૂરી પીરસી,
સંવેગ શાક ભલાં છે દાતાર ઢીલી દાળ,
મોટાઇ માલપૂઆને પ્રભાવનાના પુડલા,
વિચાર વડી વધારી જમો મારા લાલ, માતા વામદે. ૬,
રુચિ રાયતાં રૂડાં પવિત્ર પાપડ પીરસ્યાં; ચતુરાઇ ચોખા ઓસાવી આણ્યા ભરપુર, ઉપર ઇન્દ્રિય દમન દૂધ તપ તાપે તાતું કરી,
પ્રીતે પીરસ્યું જમજો જગજીવન સહનૂર. માતા વામાદે. ૭.
