________________
કર્યું. અનેક સ્થળે શંકાઓ હતી તેનું સાથે બેસી નિરાકરણ કર્યું અને સંપૂર્ણ અનુવાદ સુંદર રીતે તૈયાર થયો જે આજે પ્રકાશિત થઈ રહ્યો છે.
પ્રો. કાંતિભાઈ મરડિયા સ્ટેટેસ્ટીક્સના પ્રોફેસર તરીકે ઇંગ્લૅન્ડની યુનિવર્સિટીમાં અધ્યાપન કરે છે. તેમને જૈનધર્મના સિદ્ધાંતો જાણવા અને સમજવાની સવિશેષ રૂચિ હોવાને કારણે સ્વયં અભ્યાસ કરી આજના યુગને અનુરૂપ જૈન સિદ્ધાંતોની વિવેચના કરી છે. તે દૃષ્ટિએ આ ગ્રંથ ઉપયોગી છે.
જૈનધર્મના સિદ્ધાંતો અને તત્ત્વજ્ઞાન અંગે છેલ્લા બે-ત્રણ દાયકાથી વિશ્વસ્તરે ચિંતન ચાલી રહ્યું છે. જૈનધર્મના સિદ્ધાંતો સૂક્ષ્મ અને ગહન છે. જૈનધર્મનું કર્મવિજ્ઞાન અને આત્મતત્ત્વ તો અત્યંત ગહન છે. ખૂબ વિસ્તૃત પણ છે. સામાન્ય જિજ્ઞાસુને તરત ન સમજાય તેવું પણ છે. વળી શૈલી પણ પારિભાષિક શબ્દોવાળી હોવાથી કઠિન લાગે તેવી છે. આ ઉપરાંત સરળ ભાષામાં વૈજ્ઞાનિક પદ્ધતિથી તેનું વિવેચન થાય તો તે આજના યુવાન જિજ્ઞાસુમિત્રોને ઉપયોગી થાય તેવી ચર્ચાઓ હંમેશા ચાલતી હતી, પણ તે કાર્ય થવાનું બાકી હતું. આ ખોટને પ્રો.કાંતિભાઈ મરડિયાએ પૂર્ણ કરી છે માટે તે અભિનંદનને પાત્ર છે. ગુજરાતીભાષી જિજ્ઞાસુઓને ઉપયોગી થાય તેમ ગુજરાતી અનુવાદ કરવા માટે ડૉ. શ્રીદેવી મહેતાને પણ અભિનંદન.
અમને આશા છે કે જિજ્ઞાસુઓને આ ગ્રંથ ઉપયોગી થશે. આ કાર્યમાં સહયોગ કરનાર સર્વનો આભાર.
૨૦૧૧, અમદાવાદ
5.
જિતેન્દ્ર બી. શાહ
