________________
| ८७
AMRANAMAAINARAAAAAA
कल्पान्तर्वाच्यः ।
रोषनिद्रा पारिट्ठावणियाए सुव्वयगुरु-खुल्लओ अपेहंतो। किं थंडिलेऽत्थि करहो गुरुणा मा वारिओ एवं ।। १००६ ।। सासणदेवी तो तं बीहावेइ य उट्ट-रूवेणं। रत्तीए भणइ गुरू अपेहए देवया छलइ ।।१०१०॥ मणगुत्तीए पुव्विं जो भणिओ कुंकुणो य साहू वरो। विवरीयत्तणेण णेयो कायव्वा एवमण्णेहिं ।। १०११॥ मनोगुप्तिः.... वयगुत्तीए गुणदत्त साहू सो सिरिपुरे य गच्छंतो। संसारिय-वंदावण-निमित्तमवि मग्गि-मिलिएहिं ।।१०१२॥ चोरेहिं से कहियं नो वत्तव्वं तए सरूवमिणं। तो मुत्तो सो चलिओ जाइ जा तत्थ मग्गंमि ।। १०१३ ॥ संसारिय-वग्गो से मिलिओ मग्गंमि तेहिं सह चलिओ। जण्ण-जत्ताइ दिट्ठो सच्छो चोरेहिं सो गहिओ।। १०१४ ।। सव्वस्सं से गहियं दिट्ठो साहू य तेहिं तुढेहिं । पञ्चप्पियं च सव्वं संसारिय-वग्ग-कहणाओ॥१०१५॥ वागगुप्तिः।। कायगुत्तीइ अहण्णग-साहू विपज्जये वाहलोल्लंघे।
छिण्ण-पाओ देवयाए निंदतो सो कओ सज्जो ।। १०१६॥ कायगुप्तिः।। वरं पजोसवणाओ अहिगरणं इत्ति...
सिंधु-सोवीर-देसे विइभयपुराहिवो उदायि-निवो। महसेणाइ-दस-मुगड बद्ध-निव-सेवणिज्जो य॥१०१७॥ जीवंतसामी-पडिमाइ कारणवसओ गओ य उज्जेणिं । बद्धो चंड-पज्जोओ वलिए वासा तया लग्गो।। १०१७॥ दसपुरट्ठाणे सिण्णं ठावित्ता तत्थ संठिओ राया। संवच्छर-पव्व-दिणे समागए चिंतए राया।। १०१८॥ बद्धे पज्जोए मे पडिक्कमणो नेव सुज्झइ मुक्को। एवं भो मुत्तव्वं अहिगरणं इत्थ दिवसंमि ॥ १०१६॥ कोहं जो य न मुंचइ इममि संवच्छरियपवरपव्वंमि । सो कायव्वो बज्झो संघाओ दिओ महाठाणे ।। १०२०॥ तहाहि खेड-वच्छव्वो रुद्दो नाम दिओ पुरा। वासा-काले बलिवद्दो गलीसम्मं न हिंडइ ।।१०२१॥
