________________
कल्पान्तर्वाच्यः ]
स्थूलभद्रः गंतुं गुरूण पासे आलोइय सो तवं करेइ मुणी। कोसा वि सीलवंती सिरिथूलभद्द-सुपडिबुद्धा॥८६०॥ राय-पेसिय-रहगार-पुंख-पुंखप्पिएहिं बाणेहिं।
दूरंबलुंबिगहणे सरिसव-सुइ-पुष्फि सा नच्चइ ।। ८६१॥ प्राह च.....
न दुक्करं अंबय-लुंब-तोडणं न दुक्करं सिक्खिय-नच्चियाए। तं दुक्करं तं च महाणुभावो जं सो मुणी पमयवर्णमि वुच्छो ।। ८६२ ॥ रहगारो पडिबुद्धो दिक्खा-गहिया य तेण भावेणं। अह बार वरिस दुब्मिक्ख-वसेण-विसरिय-बारसंगे॥१६३॥ पाडलिपुर-संघेण साहू दुगं पेसिऊण वाहरिया। सिरिभद्दबाहू-गुरवो तेहिं महापाणज्झाण-गया।।८६४ ॥ तेणागमणं संपइ न भावि अम्हाणं तेहिं तं कहियं। पुणरवि साहु-मुहेणं संघेणं भासियं एवं ।। ८६५॥ संघाएसं न कुणइ को दण्डो तस्स संघ-बज्झो सो। आगच्छंतु सीसा जेणाहं पाढइस्सामि ॥ ८६६॥ सिरि-थूलभद्द-पमुहा पंचसया पेसिया तओ सीसा। सव्वे उब्भग्गाओ थूलभद्दो ठिओ तत्थ ।। ८६७॥ किंचूण दसम-पुव्वं भणियं भयणीण विम्हयत्थं च । किच्चा केसरि-रूवं कहियं ताहिं गुरुणं च॥८६८॥ नायं गुरुणा अग्गे पाढ-जुग्गो न एस संघस्स। विन्नित्तीइ चउण्हं पुव्वाणं सुत्तओ पढणं ॥८६६॥ गुहाए गिरिवरंमि विजणे वि हु काणणे वसंता य। बहुसो जियंदिया ते सुव्वंति य लोय-मज्झमि ॥६००॥ अइरम्मे गेहंमि पवर-जुवई-जणंतिए य संपत्तो। निम्मल-सीलधरो सो एगो सगडाल नंदणओ॥६०१॥ वेसा रागवई सया तयणुगा दुद्धाइसब्मोयणं । सेयं धाम मणोहरं तणु तहा नव्वो वयस्संगमो । कालो ही जलयागमो तह जिओ जेणाऽवि कामो लहु, वंदेऽहं जुवई-पबोह-कुसलं तं थूलभदं मुणिं ॥६०२ ।।
