________________
[ ६७
कल्पान्तर्वाच्यः ]
- ऋषभनाथचरितम् जाईसरो य भयवं अप्पडिवडिएहिं तिहिं नाणेहिं। कंतीहि य बुद्धीहि य अब्भहिओ तेहिं मणुएहिं ।।७७०॥ देसूणगं च वरिसं सक्कागमणं च वंस-ठवणा य। आहारमंगुलीहिं ठविंति देवा मणुण्णं उ॥७७१ ॥ सव्वे वि तित्थगरा बालत्ते णो कुणंति थणपाणं । आहारस्सऽभिलासे वयणे नियमंगुलि खिवंति ।।७७२ ॥ नाना-रस-संजुत्तं तीए देवा मणुण्णमाहारं। .. सिग्धं ठवंति भत्ता अइक्कंते बाल-भावंमि ।।७७३ ।। गिण्हंति अग्गि-पक्कं आहारं सेस जिणवरा निन्छ । आपवज्जमुसहेण नाहारिओ अग्गि-पक्को य॥७७४ ॥ सक्को वंस-ठवणे इक्खूअ गूतेण हुंति इक्खागा। जं च जहा जम्मि वए जोगं कासी य तं सव्वं ।। ७७५ ॥ पढमो अकाल-मच्चू तहिं तालफलेण दारओ पहओ। कण्णा य कुलगरेणं सिढे गहिया उसभ-पत्ती॥७७६ ॥ अह वड्डइ सो भयवं दियलोयचुओ अणोवम-सिरिओ। देव-गण-संपरिवुडो नंदाइ-सुमंगला-सहिओ॥ ७७७॥ भोग-समत्थं नाउं वरकम्मं कासि तस्स देविंदो। दुणं वरमहिलाणं वहू-कम्मं कासि देवीओ।।७७८ ॥ छ-पुव्व-सय-सहस्सा पुलिं जायस्स जिणवरिंदस्स। तो भरह-बंभि-सुंदरि बाहुबली चेव जायाई॥७७६ ॥ देवी सुमंगलाए भरहो बंभी य मिहुणयं जायं। देवीए सुनंदाए बाहुबली सुंदरी चेव ॥७८०॥ अउणापण्णं जुयले पुत्ताण सुमंगला पुणो पसवे । नीईणमइक्कमणे निवेयणं उसभसामिस्स ।।७८१ ॥ हक्कारे मक्कारे धिक्कारे चेव दंड-नीईओ। वुच्छं ताण विसेसं जहक्कमं आणुपुब्बीए ।।७८२ ।। पढम-बिइयाण पढमा तइय-चउत्थाण अभिनवा बीया। पंचम-छट्ठस्स य सत्तमस्स तइआ अभिनवाओ॥७८३॥
