Page Text
________________
१०६ ]
कप्पसुत्तस्स चुण्णी
[ कल्पान्तर्वाच्यः वि, ताहे तेण उट्ठवितो। ताहे देवयाते पडिचोतिओ सम्म पडिवन्नो ।५ ॥३८॥ इदाणिं “मण वयसा काइए य दुच्चरिए" त्ति अस्य व्याख्या
मण वयण कायगुत्तो दुचरियाइं तु खिप्पमालोए। दारं ।
अहिगरणम्मि दुरूयग, पजोए चेव दमए य॥३६॥ मण० पुव्वद्धं कंठं। गुत्तीणं उदाहरणानि ।
मणोगुत्तीते एगो सेठिसुतो सुण्णघरे पडिमं ठितो। पुराणभज्जा से सण्णिरोहमसहमाणी उभामइल्लेण समं तं चेव घरमतिगता। पल्लंकखिल्लएण य साधुस्स पादो विद्धो। तत्थ अणायारं आयरति। ण य तस्स भगवतो मणो विणिग्गतो सट्ठाणातो १॥
वतिगुत्तिए-सण्णावगसगासं साधू पत्थि तो। चोरेहिं गहिओ वुत्तो य । मातापितरो से विवाहणिमित्तं एंताणि दिट्ठाणि। तेहिं णियत्तितो। तेण तेसिं वइगुत्तेण ण कहितं । पुणरवि चोरेहिं गहियाणि। साधू य पुणो तेहिं दिट्ठो। ‘स एवायं साधू' त्ति भणिऊण मुक्को। इतराणि वि 'तस्स वइगुतस्स मातापितरो' त्ति काउं मुक्काणि ॥२॥
कायगुत्तीए-साधू हत्थिसंभमे गति ण भिंदति, अद्धाणपडिवन्नो वा ३॥३६॥
इदाणिं अधिकरणे त्ति दारं-असमितस्स वोसिरणं, समितत्तणस्स गहणं, अधिकरणं न कातव्वं, पुव्वुप्पन्नं वा ण उदीरेतव्वं, वितोसवेतव्वं । दिलुतो कुंभकारेण
एगबइल्ला भंडी, पासइ तुब्भे य डज्झ खलहाणे। . 'हरणे झामण जत्ता, भाणगमल्लेण घोसणया ।। ४०॥ अप्पिणह तं बइल्लं, दुरूतगा! तस्स कुंभयारस्स।
मा भे डहीहि गामं, अन्नाणि वि सत्त वासाणि ॥४१॥ एगो कुंभकारो भंडि कोलालभंडस्स भरेऊण दुसतयं णाम पच्चंतं गामं गतो। तेहिं दुरूतइचेहि गोहेहिं तस्स एगं बइल्लं हरिउकामेहिं वुच्चति-पेच्छह इमं अच्छेरं 'भंडी एगेण बइल्लेण वच्चइ;। तेण भणितं-पेच्छह इमस्स गामस्स खलहाणाणि डझंति ति। तेहिं तस्स सो बइल्लो हरितो । तेण जातिता-देह बइल्लं । तेणा भणंति-तुम एक्केण चेव बइल्लेण आगतो। जाहे ण दिति ताहे तेण पतिवरिसं खलीकतं धण्णं सत्त वासाणि झामितं। ताहे दुस्तयगामेल्लएहिं एगम्मि महामहे भाणतो भणितो-उग्धोसेहिं जस्स अवरद्धं तं मरिसावेमो, मा णे सकुले उच्छादेतु । भागएण उग्घोसितं। ततो कुंभकारेण भण्णति-अप्पिणध तं बतिल्लं० गाहा। पच्छा तेहिं विदिण्णो, खामितो॥
___ जति ताव तेहिं असंजतेहिं अण्णाणीहिं होतएहिं खामितो एत्तिया अवराधा, तेण वि य खंतं, किमंग पुण संजएहिं नाणीहिं होतएहिं जं कतं तं सव्वं पज्जोसवणाए उवसामेतव्वं ४०॥४१ ।। अहवा दिटुंतो उद्दायणो राया
१ हरणे झामण भाणग घोसणया मल्लजुद्धेसु इति निशीथभाष्ये पाठः ।। २ खमियं प्रत्य०॥
| SR No. | 023172 |
| Book Title | Kalpantarvcahya |
| Original Sutra Author | N/A |
| Author | Pradyumnasuri |
| Publisher | Sharadaben Chimanbhai Educational Research Centre |
| Publication Year | 1997 |
| Total Pages | 132 |
| Language | Sanskrit, Hindi |
| Classification | Book_Devnagari |
| File Size | 11 MB |