________________
पिंडेसि असंतुट्ठो, बहु पावपरिग्गहं तहा मूढो । आरंभेहि अ तूससि, रूससि ? किं इत्थ दुक्खेहिं ।।१९।। आरंभपरिग्गहव-ज्जियाण निव्वहइ अम्ह न कुडुंबं । इय भणियं जस्स कए, तं आणसु दुहविभागऽत्थं ।।२०।। भरियं पिवीलियाइ-ण सीविअंजइ मुहं तुहऽम्हेहिं । ता होसि पराहुत्तो, भुंजसि रयणीइ पुण मिटुं ।।२१।। पियसि सुरं गायंतो, वक्खाणंतो भुआहि नञ्तो । इह तत्ततिल्लतुंब-तउणि किं पीअसि? न हयास ! ।।२२।। गुरुदेवाणुवहासो, विहिआ आसायणा वयं भग्गं । लोगो अ गामकूड-तणाइभावेसु संतविओ ।।२३।। इय जइ नियहत्थारो-वियस्स तस्सेव पावविडवस्स । भुंजसि फलाई रे दुठ्ठ !, अम्ह ता इत्थ को दोसो ? ।।२४।। इञ्चाइ पुव्वभवदु-क्कयाइँ सुमराविउं निरयपाला । पुणरवि वियणा उ उई-रयंति विविहप्पयारेहिं ।।२५।। उक्कत्तिऊण देहा-उ ताण मंसाइ चडप्फडताण । ताणं चिय वयणे प-क्खिवंति जलणम्मि भुंजेउं ।।२६ ।। रे रे ! तुह पुव्वभवे, संतुट्ठी आसि मंसरसिएहिं । इअ भणिउं तस्सेव य, मंसरसं गिहिउं दिति ।।२७।। तिरियाण य भारारो-वणाणि समुराविऊण खंधेस । चडिऊण सुरा तेसिं, भरेण भंजंति अंगाई ।।२८ ।। दीणा सव्वनिहीणा, नपुंसगा सरणवज्जिया खीणा । चिट्ठति नरयवासे, नेरइया अहव किं बहुणा ।।२९ ।। अच्छि निमिलणमित्तं, नत्थि सुहं दुक्खमेव अणुबद्धं । नरए नेरइयाणं, अहोनिसं पञ्चमाणाणं ।।३०।। तत्थ य सम्मट्टी, पायं चिंतंति वेयणाऽभिहया । मुत्तुं कम्माइ तुमं, मा रूससु जीव ! जं भणियं ।।३१।। सव्वो पुव्वकयाणं, कम्माणं पावए फलविवागं । अवराहेसु गुणेसु अ, निमित्तमित्तं परो होइ ।।३२।। धारिजंतो जलनिहि, वीचीकल्लोलभिन्नकुलसेलो । न हु अनजम्मनिम्मिअ, सुहासुहो दिव्वपरिणामो ।।३३।।
२९
वैराग्यशतकम्
