________________
देवाय देवलोगंमि आसि अम्हे महड्डिया । इमाणो छट्टिया जाई, अन्नमन्त्रेण जा विणा ।। ७ ।। कम्मा नियाण पगडा तु राय विचिंतिया । तेसिं फलविवागेण, विप्पओगमुवागया । । ८ । । सव्वसोयप्पगडा कम्मा मए पुरा कडा । ते अज्ज परिभुंजामो किं नु चित्ते वि से तहा ।। ।।९।। सव्वं सुचिन्नं सफलं नराणं कडाण कम्माण न मुक्खु अत्थि । अत्थेहि कामेहि य उत्तमेहिं आया ममं पुन्नफलोववेयं ।।१०।। जाणासि संभूय महाणुभागं महिड्डियं पुन्नफलोववेयं । चित्तं पि जाणाहि तहेव रायं इड्ढीजुई तस्स वियप्पभूया ।। ११ । । महत्थरुवा वयणप्पभूया गाहाणुगीया नरसंघमज्झे ।
भिक्खुणीलगुणोवेया इहज्जयंते समणोमिजाओ ।।१२।। उच्चोयए महुक्के य बंभे, पव्वेइया आवसहायरम्मा | इमं 'गिरं चित्तधणप्पभूयं पसाही पंचाल गुणोववेयं । ।१३।। नट्टेहि गीएहि य वाइएहिं नारीजणाई परिवारयंतो । भुंजाहि भोगाइ इमाइ भिक्खू मम रोयई पव्वज्जा हु दुक्खं ।। १४ ।। तं पुव्वनेहेण कयाणुरागं नराहिवं कामगुणेसु गिद्धं । धम्मस्सिउ तस्स हियाणुपेही चित्तो इमं वयणमुदाहरित्था । । १५ ।। सव्वं विलवियं गीयं सव्वं णट्टं विडंबियं ।
सव्वे आभरणा भारा सव्वे कामा दुहावहा ।। ।।१६।। बालाभिरामेसु दुहावहेसु न तं सुहं कामगुणेसु रायं । विरत्तकामाण तवोहणाणं जं भिक्खुणो सीलगुणे रयाणं ।। १७ ।। नरिंदजाई अहमा नराणं सोवागजाई दुहओ गयाणं । जहिं वयं सव्वजणस्स वेसा वसीय सोवागनिवेसणेसु ।। १८ ।। तीसे य जाई इउ पावियाए वुच्छामु सोवागनिवेसणेसु । सव्वस्स लोगस्स दुगंछणिज्जा इहं तु कम्माइ पुरे कडाई ।। १९ ।। सो दाणिसिं राय महाणुभागो महिड्डिओ पुन्नफलोववेओ । चइत्तु भोगाई असासयाइं आदाणहेउं अभिनिक्खमाहि ।। २० ।। इह जीविए राय आसासयंमि घणियं तु पुन्नाइ अकुव्वमाणो । से सोयई ममुहोवणी धम्मं अकाऊण परंमि लोए ।। २१ । । १३३ इन्द्रियपराजयशतकम्
