________________
॥ નમોનમ: શ્રી ગુરુનેમિસૂત્યે ॥
શ્રી ભગવતીજીસૂત્રનો સ્વાધ્યાયઃ બિંદુમાં સિંધુ
વિવિધ વિષયોના ખજાના જેવા શ્રી ભગવતીસૂત્ર માટે પ્રભુના સંઘમાં અનેરો આદર છે, બહુમાન છે. આગમ તો છે જ, પણ આગમગ્રંથ શિરોમણિ છે. પ્રભુ! તુજ આગમ સરસ સુધારસ સીંચ્યો શીતળ થાય છે, તાસ નમ સુકુંતારથ માનું સુરનર તસ ગુણ ગાય રે.'
એ જ્ઞાનવિમલસૂરિ મહારાજની પંક્તિ વાંચી ત્યારે આગમના સુધારસથી ચિત્તને સીંચવાનો મનોરથ થયેલો અને પછી ગુરુમહારાજનાં ચરણોમાં બેસીને જ્યારે એ અક્ષરના અમીરસનું પાન કરવાનો અવસર આવ્યો ત્યારે વળી એ જ જ્ઞાનવિમલસૂરિ મહારાજના શબ્દોનો સાક્ષાત્કાર થયો હતો.
આગમ તે જિનવર ભાખીયો ગણધર તે હૈડે રાખીયો, તેહનો રસ જેણે ચાખીયો તે હુવો શિવસુખ-શાખીયો' શિવસુખના સાક્ષી બનાવે તેવો એ આગમનો રસ છે, તે વાત સમજાય એવી છે. ઉપાધ્યાય શ્રી યશોવિજ્યજી મહારાજ અધ્યાત્મસારમાં લખે છે કે ૨સ, કામમાં ભોગાવિધ છે; સદ્ભક્ષ્યમાં માત્ર ભોજનાવિધ છે પણ જ્ઞાનમાં રસ નિરવધિ છે. આ નિરવધિ રસને માણનારના સૌભાગ્યની ઈર્ષ્યા આવે તેવી છે.
આમે સકલ આગમગ્રંથો સર્વજ્ઞભાષિત છે અને જે સર્વજ્ઞભાષિત હોય તે લક્ષણોપેત હોય. જે લક્ષણોપેત હોય તે દેવતાથી અધિષ્ઠિત હોય એ નિયમ છે છતાં નવાંગી ટીકાકાર આચાર્યશ્રી અભયદેવસૂરીશ્વરજી મહારાજે માત્ર શ્રી ભગવતીસૂત્ર માટે જ વૈવાધિષ્ઠિત -એવું વિશેષણ વાપર્યું છે.
આવા ગહન ભાવોના ભંડાર સ્વરૂપ, ચારે અનુયોગ દ્રવ્યાનુયોગ,
--
