________________
शरीर
मूलपाठ प्रश्न-इमीसे णं भंते! रयणप्पभाए जाव एगमेगंसि निरयावासंसि नेरइयाणं कइ सरीरया पण्णत्ता?
उत्तर-गोयमा! तिण्णि सरीरया पण्णत्ता। तं जहा-वेउविए, तेयए, कम्मए।
प्रश्न-इमीसे णं मंते! जाव-वेउब्वियसरीरे वट्टमाणा नेरइया किं कोहोवउत्ता?
उत्तर-गोयमा! सत्तावीसं भंगा भाणियव्वा। एएणं गमेणं तिण्णि सरीरा भाणियव्वा।
प्रश्न-इमीसे णं भंते! रयणप्पमा पुढविए जाव नेरइयाणं सरीरया किं संघयणी पण्णत्ता?
उत्तर-गोयमा! छण्हं संघयणाणं अस्संघयणी, नेवट्ठी, नेव च्छिरा, नेवण्हारूणि। जे पोग्गला अणिट्ठा, अकंता, अप्पिया, असुहा अमणुन्ना, अमणाम, एतेसिं सरीरसंघायत्ताए परिणमंति।
प्रश्न-इमीसे णं भंते! जाव-छण्हं संघयणाणं असंघयणे वट्टमाणा णं नेरइया किं कोहोवउत्ता?
उत्तर-गोयमा! सत्तावीसं भंगा।
प्रश्न-इमीसे णं भंते! रयणप्पभाए जावसरीरया किं संठिया पन्नत्ता?
उत्तर-गोयमा! दुविहा पन्नता। तं जहा भवधारणिज्जा य उत्तर वेउव्विया य। तत्थ णं जे ते भवधारणिज्जा ते हुंड संठिया पन्नत्ता, तत्थ णं जे ते उत्तर वेउव्विया ते वि हुंड संठिया पन्नत्ता।
प्रश्न-इमीसे णं जाव-हुंडसंठाणे वट्टमाणा नेरइया किं कोहोवउत्ता? ४८ श्री जवाहर किरणावली
