________________
रायपसेणियसुत्त
विउव्वइ । अट्टसयं पेयाणं विउव्वइ । अट्टसयं पेयावायगाणं विउब्वइ । अट्टसयं पीरिपीरियाणं विउव्वइ । एवमाइयाई एगूणपण्णं आउजविहाणाई विउव्वइ । २ तए णं ते बहवे देवकुमारा य देवकुमारियाओ य सद्दावेइ । तए णं ते बहवे देवकुमारा य देवकुमारीओ य सूरियाभेणं देवेणं सदाविया समाणा हट्ट जाव जेणेव सूरियामे देवे तेणेव उवागच्छन्ति । २ सूरियाभं देवं करयलपरिग्गहियं जाव वद्धावित्ता एवं वयासी । “संदिसंतु णं देवाणुप्पिया! ज अम्हेहिं कायव्वं"। तए णं से सूरियाभे देवे ते बहवे देवकुमारा य देवकुमारीओ य एवं वयासी-"गच्छा णं तुम्भे देवाणुप्पिया ! समणं भगवं महावीरं तिक्खुत्तो आयाहिणं पयाहिणं करेह । करित्ता वंदह नमसह । वंदित्ता नमंसित्ता गोयमाइयाणं समणाणं निग्गंथाणं तं दिव्वं देविडिं, दिव्वं देवजुई, दिव्वं दिवाणुभावं, दिव्वं बत्तीसइबद्धं, नट्टविहिं उवदसेह । उवदंसित्ता खिप्पामेव एयमाणत्तिय पञ्चप्पिणह" । तए णं ते बहवे देवकुमारा देवकुमारीओ य सूरियाभेणं देवेणं एवं वुत्ता समाणा हट्ट जाव करयल जाव पडिसुणंति । २ जेणेव समणे भगवं महावीरे तेणेव उवागच्छन्ति । २ समगं भगवं महावीर जाव नमसित्ता, जेणेव गोयमाइया समणा निग्गंथा तेणेव उवागच्छन्ति । तए णं ते बहवे देवकुमारा देवकुमारीओ य समामेव समोसरणं करेन्ति । २ समामेव पंतीओ बंधति । २ समामेव पंतीओ नमसंति । २ समामेव पंतीओ अवणभंति । २ समामेव उन्नमति । २ एवं सहियामेव ओणमति । एवं सहियामेत्र उन्नमति । २ थिमियामेव ओगमति थिमियामेव उन्नमंति, संगयामेव ओणमति, संगयामेव उन्नमंति । २ समामेव पस
