________________
२२
रायपसेणियसुत्त
सीहासणं सपरिवारं जाव दामा चिट्ठति । तए णं से सूरियाभे देवे समणस्स भगवओ महावीरस्स आलोए पणामं करेइ । २ “अणुजाणउ मे भगवं" त्ति कट्ट सीहासणवरगए तित्थयराभिमुहे सन्निसण्णे। तए णं से सूरियाभे देवे तप्पढमयाए नाणामणिकणगरयणविमलमहरिहनिउणोवचिमिसिमिसिंतविरइयमहाभरणकडगतुडियवरभूसणुजलं पोवरं पलंब दाहिणं भुयं पसारेइ । तओ णं सरिसयाणं सरित्तयाणं सरिव्वयाणं सरिसलावण्णरूवजोव्वणगुणोववेयाणं एगाभरणवसणगहियणिज्जोयाणं दुहओसंवलियग्गणियत्थाणं आविद्धतिलयामेलाणं पिणिद्धगेविजकंचुयाणं उप्पीलियचित्तपट्टपरियरसफेणकावत्तरइयसंगयपलंबवत्थंतचित्तचिल्लगनियंसणाणं एगावलिकंठरइयसोभंतवच्छपरिहत्थभूसणाणं अट्ठसय नट्टसजाणं देवकुमाराणं निगच्छइ । तयाणंतरं च णं नाणामणि जाव पीवरं पलंबं वाम भुयं पसारेइ । तओ णं सरिसयाणं सरित्तयाणं सरिब्बयाणं सरिसलावण्णरूवजावणगुणोववेयाणं एगाभरणवसणगहियनिज्जोयाण. दुहओसंवेल्लियग्गनियत्थीणं आविद्धतिलयामेलाणं पिणद्धगेवेजकंचुईणं नाणामणिरयणभूसणविराइयंगमंगाणं चंदाणणाणं चंदद्धसमनिडालाणं चंदाहियसोमदंसणाणं उक्का इव उज्जोवेमाणीणं सिंगारागरचारुवेसाणं हसियभणियचिट्टियावलास-- सलियसलावनिउणजुत्तोवयारकुसलाणं गहियाउजाणं अट्ठसयं नट्टसजाणं देवकुमारियाणं निग्गच्छइ । तए णं से सूरियाभे देवे अट्ठसयं संखाणं विउब्वइ । अट्ठसयं संखवायाणं विउब्वइ । अट्ठसय सिंगाणं विउव्वइ । अट्टसयं सिंगवायाणं विउव्वइ । अट्ठसयं संखियाणं विउव्वइ । अट्ठसयं संखियवायाणं विउव्वइ । अट्ठसयं खरमुही. विउव्वइ । अट्ठसयं खरमुहिवाइयाणं
