________________
શ્રી બંધસ્વામિત્વનામા તૃતીય કર્મગ્રંથની મૂળગાથાઓ
बंधविहाण विमुक्कं, वंदिय सिरिवद्धमाण जिणचंदं। गइआइसु वुच्छं, समासओ बंधसामित्तं ॥१॥ गइ इंदिए य काए, जोए वेए कसायनाणे य । संजम दंसण लेसा, भव सम्मे सन्नि आहारे ॥२॥ जिण सुरविउव्वाहारदु, देवाउ य निरयसुहुम विगलतिगं । एगिदि थावरायव, नपु-मिच्छं हुंडछेवटुं ॥३॥ अणमज्झागिइसंघयण कुखगइनियइत्थिदुहगथीणतिगं । उज्जोय तिरिदुगंतिरि नराउनरउरलदुगरिसहं ॥४॥ सुरइगुणवीसवजं, इगसउ ओहेण बंधहिं निरया । तित्थविणा मिच्छिसयं, सासणि नपु चउ विणा छन्नुई ॥५॥ विणु अणछवीस मीसे, बिसयरि सम्मंमि जिणनराउ जुआ । इय रयणाइसु भंगो, पंकाइसु तित्थयरहीणो ॥६॥ अजिणमणुआउ ओहे, सत्तमिए नरदुगुच्चविणु मिच्छे । इगनवइ सासाणे, तिरिआउ नपुंसचउवजं ॥७॥ अणचउवीसविरहिआ, सनरदुगुच्चा य सयरि मीसदुगे । सत्तरसओ ओहि मिच्छे, पज्जतिरिया विणु जिणाहारं ॥८॥ विणु निरयसोल सासणि सुराउअणएगतीस विणुमीसे । ससुराउ सयरि सम्मे, बीयकसाए विणा देसे ॥९॥ इय चउगुणेसुवि नरा, परमजया सजिण ओहु देसाई । जिणइक्कारसहीणं नवसय अपजत्त तिरियनरा ॥ १० ॥ निरयव्व सुरा नवरं, ओहे मिच्छे इगिदितिगसहिया । कप्पदुगे विय एवं, जिणहीणो जोइ-भवण-वणे ॥११॥
