________________
૧૫
।
रयणुव्व सणकुमाराइ, आणयाई उज्जोय चउरहिया । अपज्ज तिरियव्व नवसयमिगिंदि पुढविजलतरुविगले ॥ १२ ॥ छनवइ सासणि विणु सुहुम तेर केइ पुण बिंति चनव तिरियनराऊहिं विणा, तणुपज्जतिं न जंति जओ ॥ १३ ॥ ओहु पणिंदितसे गइतसे जिणिक्कार नरतिगुच्चविणा । मणवयजोगे ओहो उरले नरभंगुतम्मिस्से ॥१४॥ आहारछगविणोहे चउदससउमिच्छिजिणपणगहीणं । सासणि चउनवइ विणा, तिरिअनराउ सुहुमतेर ॥ १५ ॥ अण चवीसाइ विणा, जिणपणजुय सम्मि जोगिणो सायं । विणु तिरिनराउ कम्मे वि, एवमाहार दुगि ओहो ॥१६॥ सुरओहो वेउव्वे, तिरिय नराउ रहिओ अ तम्मिस्से । वेयतिगाइम बियतिय कसाय नवदुचउपंचगुणा ॥ १७ ॥ संजलणतिगे नवदस, लोभे चउ अजइ दुति अनाणतिगे । बारस अचक्खु - चक्खुसु, पढमा अहक्खाय चरिमचउ ॥ १८॥ मणनाणि सगजयाई समइय छेय चउदुन्नि परिहारे । केवलदुगि दो चरमाऽजयाई नव मइसुओहिदुगे ॥ १९ ॥ अड उवसमि चड वेअगि, खइए इक्कार मिच्छतिगि देसे । सुहुमि सठाणंतेरस, आहारगि नियनियगुणोहो ॥ २० ॥ परमुवसमि वट्टंता, आउ न बंधंति तेण अजयगुणे । देवमणुआउ हीणो, देसाईसु पुण सुराउ विणा ॥ २१ ॥ ओहे अट्ठारसयं, आहारदुगूणमाइलेसतिगे । तं तित्थोणं मिच्छे, साणाइसु सव्वहिंओहो ॥ २२ ॥ तेउ निरयनवूणा उज्जोयचउनिरयबार विणुसुक्का । विणु निरयबार पम्हा, अजिणाहारा इमा मिच्छे ॥ २३ ॥ सव्वगुणभव्वसन्निसु, ओहु अभव्वा असन्निमिच्छिसमा । सासणि असन्नि सन्निव्व, कम्मणभंगो अणाहारे ॥ २४ ॥ तिसु दुसु सुक्काइ, गुणा, चउ सग तेरत्ति बंधसामित्तं । देविंदसूरिरइअं नेयं कम्मत्थयं सोउं ॥ २५ ॥
