________________
૧૨.
अनियट्टि भागपणगे, इगेगहीणो दुवीसविहबंधो। पुमसंजलणचउण्हं, कमेण छेओ सतर सुहुमे ॥११॥ चउदंसणुच्चजसनाणविग्घदसगंति सोलसुच्छेओ । तिसु सायबंधछेओ, सजोगिबंधंतुणंतो अ ॥१२॥ उदओ विवागवेयणमुदीरणमपत्ति इह दुवीससयं । सतरसय मिच्छे मीस-सम्मआहारजिणणुदया ॥१३॥ सुहमतिगायवमिच्छं, मिच्छंतं सासणे इगारसयं । निरयाणुपुव्विणुदया, अणथावरइगविगलअंतो ॥ १४ ॥ मीसे सयमणुपुव्वी-णुदया मीसोदएण मीसंतो। चउसयमजए सम्मा-णुपुविखेवा बियकसाया ॥ १५ ॥ मणुतिरिणुपुव्वि विउवट्ठ, दुहग अणाइजदुग सतरछेओ । सगसीइ देसि तिरिगइ, आउ निउज्जोय तिकसाया ॥१६ ॥ अट्ठच्छेओ इगसी, पमत्ति आहारजुगलपक्खेवा । थीणतिगाहारगदुगछेओ, छस्सयरि अपमत्ते ॥ १७ ॥ सम्मत्तंतिमसंघयणतियगच्छेओ बिसत्तरि अपुव्वे । हासाइछक्कअंतो, छसट्टि अनियट्टिवेयतिगं ॥ १८ ॥ संजलणतिगं छछेओ, सट्टि सुहुमंमि तुरियलोभंतो । उवसंतगुणे गुणसट्टि, रिसहनारायदुगअंतो ॥ १९ ॥ सगवन्न खीण दुचरिम निद्ददुगंतो अचरिंम पणपन्ना । नाणंतरायदंसणचउ, छेओ सजोगि बायाला ॥२०॥ तित्थुदया उरलाथिर-खगइदुग-परित्ततिग-छ-संठाणा । अगुरुलहुवन्नचउ-निमिण-तेयकम्माइसंघयणं ॥२१ ॥ दुसर सुसर साया-साएगयरं च तीस वुच्छेओ । बारस अजोगि सुभगा-इज्ज जसन्नयरवेयणीयं ॥२२ ॥
