________________
भस्तव नामना ( દ્વિતીય કર્મગ્રંથની મૂળગાથાઓ 1
R909 90 9 0 0 तह थुणिमो वीरजिणं, जह गुणठाणेसु सयलकम्माइं । बंधुदओदीरणया, सत्तापत्ताणि खवियाणि ॥ १ ॥ मिच्छे सासणमीसे, अविरयदेसे पमत्त अपमत्ते । नियट्टि अनियटि, सुहुमुवसम खीण सजोगिअजोगि गुणा । ॥२॥ अभिनवकम्मग्गहणं, बंधो ओहेण तत्थ वीससयं । तित्थयराहारगदुगवजं, मिच्छंमि सतरसयं ॥३॥ नरयतिग जाइथावर चउ, हुंडायवछिवट्ठनपुमिच्छं । सोलंतो इगहियसय, सासणि तिरिथीणदुहगतिगं ॥४॥ अणमज्झागिइसंघयणचउ, निउज्जोअ कुखगइत्थित्ति । पणवीसंतो मीसे, चउसयरि दुआउयअबंधा ॥५॥ सम्मे सगसयरि जिणाउबंधि, वइरनरतिअबियकसाया । उरलदुगंतो देसे, सत्तट्टि तियकसायंतो ॥६॥ तेवट्टि पमत्ते सोग, अरइ अथिरदुग अजस अस्सायं । वुच्छिज छच्च सत्त व, नेइ सुराउं जया निळें ॥ ७ ॥ गुणसट्ठि अपमत्ते, सुराउ बंधंतु जइ इहागच्छे । अन्नह अट्ठावन्ना, जं आहारगदुगं बंधे ॥ ८ ॥ अडवन्न अपुव्वाइंमि, निद्ददुगंतो छपन्न पणभागे । सुरदुगपणिंदि सुखगइ, तसनवउरलविणुतणुवंगा ॥ ९ ॥ समचउरनिमिणजिणवन्न, अगुरुलहुचउ छलंसि तीसंतो । चरमे छवीसबंधो हासरईकुच्छभयभेओ ॥ १० ॥
