________________
મ ગલાચરણ
છતાં કોઈની ચીજ ઝૂંટવી ન લેવાય. તેવો ઘોર અન્યાય મારાથી કેમ થાય ? પહેલાં તે સ્ત્રીરત્ન છે કે નહીં એ હું સાક્ષાત્ નિહાળી લઉં. પછી જે પગલાં લેવાં હશે તે લઈશ. મોદીને બોલાવીને રાજાએ કહ્યું “તારી સાથે અમારે ઘણા વર્ષોનો જુનો સંબંધ છે. રાજ્ય તરફથી તને લાભ પણ ઘણું મળે છે છતાં કોઈ દિ તે તારા ઘરે મને જમવાનું પણ આમંત્રણ ન આપ્યું. આવતી કાલે તારા ઘરે મારે જમવા આવવાનું છે. બિચારો મોદી તો સામેથી પોતાને ઘરે જમવા આવવાની રાજાની વાત સાંભળી ને હેરત પામી ગયો. પ્રભો ! આપ તે મારા સ્વામી છો, હું તો આપનો સેવક છું. આપ મારા આંગણે પધારો એ તો મારા અહોભાગ્ય ! મોદીએ રાજાને ઘરે પધારવાનું આમંત્રણ આપ્યું રાજા બીજે દિવસે બાર વાગે મોદીને ઘરે પહોંચી ગયો. કામાંધ એવો કોઈ અપૂર્વ કોટીનો અંધ હોય છે કે તેને આગળ પાછળનો વિચાર કરવાનો હોતો નથી.
મોદીની પત્નીને આભાસ થઈ ગયેલો છતાં તેણે તૈયારી ખૂબ સારી કરી રાખેલી. રાજાએ પણ મોદીને પોતાની બગલમાં જ જમવા બેસાડ્યો. મોદીની પત્ની બનેને પીરસે જાય છે. પીરસતાં પીરસતાં જરાક મોઢાપરથી વસ્ત્રનો છેડો ખસી ગયો અને રાજાએ તેનું અદ્દભૂત સૌંદર્ય નિહાળી લીધું. રાજા તો તેનું રૂપ જોઈને આશ્ચર્યમાં ગરકાવ બની ગયો ! ખરેખર આ સ્ત્રીરત્ન જ છે. તેને ખાત્રી થઈ ગઈ જમીને રાજા રાજદરબારે આવ્યો અને મોદીને કોઈ કામ પ્રસંગે બહારગામ જવાનો હુકમ કર્યો. મોદીએ પોતાની પત્નીને સજાગ
