________________
૬૦ઃ શ્રાવકધર્મ
પ્રભાવના
પ્રભાવના એ આઠમો દર્શનાચાર છે. સ્વશક્તિ વડે શ્રી જિનશાસનને દીપાવવું, એનું નામ પ્રભાવના છે. જોકે શ્રી જિનપ્રવચન અનેક અતિશનું નિધાન છે અને પોતાના પ્રભાવથી જ પ્રતિષ્ઠિત છે, તો પણ તે ભવ્ય આત્માઓના મનને વિષે અધિક સ્થિર થાય, એવા પ્રયત્ન કરે એ સમ્યગદષ્ટિઓનું કર્તવ્ય છે. અવધિજ્ઞાનાદિ અતિશાયિક ઋદ્ધિવાળા, ધર્મકથાની લબ્ધિવાળા, વાદલબ્ધિવાળા, પ્રવચનના પારગામી આચાર્યાદિકે, છઠ અઠમાદિ વિપ્રકૃષ્ટ (કઠિન) તપ કરનારાઓ, નિમિત્ત આદિને જાણનારાઓ, કવિત્વશક્તિને ધારણ કરનારાઓ અને રાજા-પ્રજાદિ બહુજનમાન્ય એવા પુરુષે પોતપોતાની વિભૂતિ વડે શ્રી જિનપ્રવચનની પ્રભાવના કરી શકે છે અને મધ્યસ્થ દષ્ટિવાળા આત્માઓને શ્રી જિનકથિત તીર્થ ઉપર બહુમાન ઉત્પન્ન કરાવી શકે છે.
શુશ્રષાદિ ગુણ
સોધના કારણભૂત ધર્મશાસ્ત્ર સાંભળવાની તીવ્ર ઈચ્છા એનું નામ શુશ્રષા છે. શુશ્રષા વિના સાંભળેલું અને સંભળાવેલું શ્રુત સર વિનાના સ્થળે કુવો ખોદવા જેવું છે. શુશ્રષા પણ પર અને અપર બે પ્રકારની છે.
યુવાન અને વિદગ્ધ એવા કાન્તાયુક્ત કામી પુરુષને કિનરને ગેય શ્રવણમાં જે આનંદ હોય છે, તેથી પણ અધિક આનંદ પર (ઉત્કૃષ્ટ) શુશ્રષાવાળા જીવને ધર્મશ્રવણમાં હોય છે.
