________________
લેખકનું નિવેદન
જૈન ધાર્મિક શિક્ષણસંધ, મુંબઈના મુખપત્ર “જૈન શિક્ષણ સાહિત્ય પત્રિકા' માસિકની શરૂઆત આજથી લગભગ દશેક વર્ષ પહેલાં થઈ, અને સંસ્થાના મંત્રી શ્રી. પ્રાણજીવનદાસ ગાંધી તેમજ પત્રિકાના આદ્યતંત્રી ૫. ધીરજલાલ શાહ અને તેના ઉત્સાહી વ્યવસ્થાપક શ્રી. ચીમનલાલ પાલીતાણુકરની ઈચ્છાનુસાર આ પત્રિકાના કથાવિભાગનું કામ મેં સ્વીકાર્યું. આ કારણે જૈન સાહિત્યના કથાવિભાગના અનેક ગ્રંથો જેવાનું મળ્યું અને તેમાં રસ ઉત્પન્ન થયો. તેની ફલશ્રુતિ તરીકે ભાવનગરથી પ્રગટ થતા “જૈન” પત્રના વિશેષાંકે, ભાવનગર, જૈન આત્માનંદસભા તરફથી પ્રગટ થતા આત્માનંદ પ્રકાશ માસિક, તેમજ “જેન શિક્ષણ સાહિત્ય પત્રિકામાં જે કથાઓ મેં લખી છે, તેમાંથી ચૂંટીને ગ્રંથના આ પ્રથમ ભાગમાં છવ્વીસ કથાઓ ગ્રંથસ્થ કરી છે, અને રાજ્ય બનશે તે આના અનુસંધાનમાં બીજા ભાગો પણ બહાર પાડવાની ભાવના છે. અલબત્ત, માસિક પત્રોમાં પ્રસિદ્ધ થયેલી આ બધી કથાઓને સુધારી–મઠારી છે, તેમજ સુવાચ કરવા અર્થે વિસ્તૃત પણ કરી છે.
જૈનધર્મના પ્રાણભૂત આગમ સાહિત્યના મુખ્ય ચાર વિભાગો છેઃ (૧) દ્રવ્યાનુગ, (૨) ગણિતાનુયોગ, (૩) ચરણકરણાનુગ, (૪) ચરિતાનુયોગ. આ ચાર અનુયોગમાં જગતભરનું સમગ્ર તત્ત્વ સમાઈ જાય છે. આ બધામાં પ્રધાનતા ચરિતાનુયોગની છે અને તેથી તત્ત્વજ્ઞાન સાહિત્ય કરતાં અનેકગણું વધારે કથા સાહિત્ય જેનશાસ્ત્રોમાં જોવામાં આવે છે. માત્ર જેનધર્મના આગમોમાં જ નહિ; પણ વેદ, કુરાન, બાઈબલ અને ત્રિપિટકમાં પણ સુભાષિતો, સંવાદ અને ધર્મકથાઓની જ પ્રધાનતા જોવામાં આવે છે,
