________________
૨૭૬
' હોંકારકલ્પતરુ
- આ પૂજન વખતે આરાધકની ડાબી બાજુએ ઘીને દીપક અને જમણી બાજુએ ધૂપ રાખવો જોઈએ. ધૂપદાનમાં સળગતા અંગારા રાખીને દશાંગ ધૂપ વગેરે નાખવા વડે આ ક્રિયા કરી શકાય, પરંતુ તે માટે અગરબત્તીને ઉપયોગ વધારે સગવડભરેલો છે. આ અગરબત્તી ઊંચા, પ્રકારની વાપરવી.
આ વિધિ પૂરો થયા પછી હી કારપટ્ટની આગળ નાગરવેલનાં પાન, સોપારી તથા નૈવેદ્ય મૂકવું જોઈએ. આને પણ પૂજનને જ એક ભાગ સમજવાનો છે. જે પૂજનના પ્રથમ પ્રકારને આપણે દ્રવ્યપૂજા તરીકે ઓળખીએ, તો આને અગ્રપૂજા કહેવી જોઈએ. જે વસ્તુ સમર્પણભાવે દેવની અગ્રે એટલે આગળ મૂકાય, તે અગ્રપૂજા.
તે પછી શું કરવું? તે જણાવે છે : एवं कृतविधानेन, पश्चाद् होमं च कारयेत् । गोमयेन भुवं लिप्त्वा, स्थण्डिलं तत्र कारयेत् ॥१५॥
આ પ્રમાણે વિધિ કરીને પછી હોમ કરવો. તે માટે ગાયના છાણથી જમીનને લીંપવી અને ત્યાં હોમ માટે નાની વેદિકા બનાવવી.”
તંત્રકારો કહે છે કે મંત્રની સિદ્ધિ ઈચ્છનારે પ્રતિદિન (૧) મંત્રદેવતાનું પૂજન, (૨) જપ, (૩) ધ્યાન તથા (૪) હોમ એ ચાર કર્મો કરવાં જોઈએ. જે આ ચાર કર્મો વિધિપૂર્વક બરાબર કરે છે, તેને મંત્રસિદ્ધિ
