________________
KRLER
વિચારો. તોય મસ્તક ઝૂકી ગયાં વિના રહે નહિ. સારાંય સંસારના જીવોને દુઃખથી સર્વથા મુક્ત અને પરિપૂર્ણ તથા શાશ્વત સુખમાં ઝીલતા બનાવી દેવાની એ તારકોની ભાવનામાં, આપણા પ્રત્યેની હિતભાવનાનો પણ સમાવેશ થાય છે કે નહિ ? થાય છે જ. તો આપણે એ ઉપકારને પણ કેમજ ભૂલી શકીએ ? આપણુ વાસ્તવિક કોટિનું ભલું ચિતવનાર અને આપણે આપણું વાસ્તવિક કોટિનું ભલું કરી શકીએ એવો માર્ગ દર્શાવનાર એ તારકને આપણે અજોડ અને સર્વશ્રેષ્ઠ ઉપકારી ન માનીએ, તો આપણે કેવા કૃતન કહેવાઈએ ? અરે, એ તારકોએ ફરમાવેલા માર્ગનું ભાન કરાવનાર સદ્ગુરૂઓ પણ, જેવા-તેવા ઉપકારી નથી.
સભા : શ્રી અરિહંતદેવ કરતાં ય શ્રી અરિહંતદેવને ઓળખાવનાર ગુરૂ પહેલા પૂજનીક ખરા ?
પૂજ્યશ્રી : નહિ જ, કારણકે, શ્રી અરિહંતદેવે જો મોક્ષમાર્ગ પ્રકાશિત કર્યો ન હોત, તો ગુરૂ એમને ઓળખાવત શી રીતે ? શ્રી અરિહંતદેવે તીર્થ પ્રવર્તાવ્યું ન હોત, તો ગુરૂની હયાતિ જ ક્યાંથી હોત? શ્રી સિદ્ધાત્માઓને ઓળખાવનાર શ્રી અરિહંત દેવો છે, માટે શ્રી સિદ્ધાત્માઓ કરતાં પણ શ્રી અરિહંત દેવો પ્રથમપદે પૂજનીક, પણ ગુરૂઓની વાતમાં તો, ગુરૂઓ આપણને જે ઓળખાવી શકે છે, તેમાં મૂળભૂત ઉપકાર તો શ્રી અરિહંતદેવનો જ છે.
સભા છતાં એવું ય બોલાય છે.
પૂજ્યશ્રી : અજ્ઞાની જીવો ન બોલે તેટલું ઓછું, બાકી સદ્ગુરુઓનો ઉપકાર પણ વો-તેવો નથી, એ નિર્વિવાદ વાત છે.
સભા : યુગબાહુના જીવ દેવે ઉપકારી મદનરેખાને પહેલાં નમસ્કાર કર્યાની વાત આવે છે ને ? નમ્યાની વાત આવે છે ને ?
પૂજ્યશ્રી : સંભ્રમથી બને એ વસ્તુ જ જુદી છે. પણ જ્યાં પદ તરીકેનો વિચાર થતો હોય, ત્યાં તો પ્રથમપદે શ્રી અરિહંતદેવો, બીજા પદે શ્રી સિદ્ધાત્માઓ અને તે પછી જ શ્રી આચાર્યાદિ પૂજનીક ગણાય.
....શ્રી અરહંત આઘણા અનંતકાળના અજ્ઞાનને ટાળનાર...૨
.
૨૪
(૩૧
