________________
..
સભાઃ આપણું દુ:ખેય હજુ ટળ્યું તો નથી?
પૂજ્યશ્રી: પણ એ તારકે બતાવેલા ઉપાયને બરાબર સેવવાથી દુઃખ ટળશે અને સુખ મળશે, એમ તો લાગે છે ને ?
સભા : હા જી.
પૂજ્યશ્રી : જે આત્માઓને ‘એ તારકે બતાવેલા ઉપાયને બરાબર સેવવાથી દુ:ખ ટળશે અને સુખ મળશે' એમ નહિ લાગતું હોય, તેઓને ‘શ્રી અરિહંતદેવ, એ સર્વશ્રેષ્ઠ અને અજોડ ઉપકારી છે, એમ નહિ લાગે એ નિર્વિવાદ વાત છે. માર્ગ ઉપર રૂચિ પ્રગટયા વિના, માર્ગદર્શક ઉપકારક લાગે, એ સંભવિત જ નથી.
માર્ગ રુચે તો મોક્ષમાર્ગની રુચિ પ્રગટે તો આત્માનું કલ્યાણ થાય. જે પુણ્યાત્માઓને, અનંત ઉપકારી શ્રી અરિહંતદેવોએ પ્રકાશિત કરેલો મોક્ષમાર્ગ વાસ્તવિક રીતે, રૂચી જાય છે, તેઓના આનંદનો પાર હોતો નથી. તેઓને એમ થઈ જાય છે કે, જો શ્રી અરિહંતદેવોએ મોક્ષમાર્ગને પ્રકાશિત ન કર્યો હોત અને અમને જો એ તારકોએ પ્રકાશિત કરેલો મોક્ષમાર્ગ ન મળ્યો હોત, તો અમારૂં થાત શું ? અમે તો સુખની ભ્રમણામાં ને ભ્રમણામાં જ અટવાયા કરત અને એથી અનંતકાળ પર્યન્ત પણ અમારા દુ:ખનો અંત આવત નહિ. ખરેખર, અમને અનંતકાળના રૌદ્ર દુ:ખોથી ઉગારી લેનાર કોઈ હોય, તો તે શ્રી અરિહંતદેવો જ છે. એ તારકોના જેવો બીજો કોઈ ઉપકારી સંસાર સમસ્તમાં પાક્યો ય નથી અને પાકશે પણ નહિ.'
સભા : 'મોક્ષમાર્ગ એમણે બતાવ્યો, પણ આપણા પ્રયત્ન વિના મોક્ષ મળે તેમ તો છે જ નહિ, એટલે એમનો શો ઉપકાર ?, એવું કોઈ પૂછે તો ?
પૂજ્યશ્રી : આટલું સમજાવ્યા પછી આવા કોઈ પ્રસ્તને અવકાશ જ રહેતો નથી. એને કહી શકાય કે ‘ભાગ્યવાન્ ! દુ:ખના માર્ગની દુઃખના માર્ગ તરીકેની અને સુખના માર્ગની સુખના માર્ગ
(રેહંતો અાયણ અનંતકાળજ૮ અઠ્ઠાને ટાળજ(૨૨
(૨૯.
