________________
શ્રી અરિહંતો આપણા અનંતકાળના અજ્ઞાનને ટાળનારા
૨
હવે આપણે શ્રી અરિહંતદેવના સર્વશ્રેષ્ઠ અને અજોડ ઉપકારને લગતી અધૂરી રહેલી વાતને વિચારીએ. ઉપકારને સમજ્યા પછી ઉપકારીને સમજ્વા, એ બહુ સહેલું છે. મોક્ષની આકાંક્ષા જેમ જેમ તીવ્ર બને તેમ તેમ મોક્ષમાર્ગના પ્રવર્તનમાં રહેલા ઉપકારને સમજી શકાય. સૌ કોઈનો આત્મા અનંતકાળથી આ સંસારમાં પરિભ્રમણ કરી રહ્યો છે. અનાદિકાળથી સંસારમાં પરિભ્રમણ કરતા આપણા આત્માએ, અનંતીવાર જન્મ-જરા-મરણાદિનાં દુ:ખો ભોગવ્યાં છે. આપણા આત્માએ નરકનાં દુ:ખો પણ વેઠ્યા છે, નિગોદનાં દુ:ખો પણ વેઠ્યાં છે અને અનેકવિધ અનુકૂળતાઓના અભાવ તથા પ્રતિકૂળતાઓની પ્રાપ્તિ આદિનાં દુ:ખો પણ વેઠ્યાં છે. દુ:ખો વેઠ્યા છે એટલું જ નહિ, પણ જ્યારે જ્યારે આપણને તક મળી છે, ત્યારે ત્યારે આપણે આપણાં દુ:ખને ટાળવાના અને સુખને પ્રાપ્ત કરવાના હેતુથી પ્રયત્ન કરવામાં પણ કમીના રાખી નથી. આમ કરતાં અનંતો કાળ વહી ગયો, છતાં આપણાં દુ:ખનો પૂરેપૂરો અંત આવ્યો નહિ અને આપણને સાચા સુખની પ્રાપ્તિ થઈ નહિ. આમ થવાનું કારણ શું ? આ સ્થિતિને માટે કોઈ વધુમાં વધુ જવાબદાર હોય, તો તે આપણું
....શ્રી અરિહંતો આપણા અનંતકાળના અજ્ઞાનને ટાળનાર....૨
૨૭
