________________
કે, નરક નથી એમ માનીને પાપમય જીવન જીવવાને તત્પર બનેલાઓને જે લાભ થાય, તેનાં કરતાં નરક છે એમ માનીને જેઓ પાપરહિત જીવન જીવવા મથતા હોય તેમને વધારે જ લાભ થાય.
સભા: એ શી રીતે ?
પૂજ્યશ્રી : પાપમય જીવન જીવવામાં તત્પર બનેલાને રાજશાસનનો જેટલો ડર હોવો સંભવ છે, તેટલો ડર પાપરહિત જીવન જીવવાને મથી રહેલાને હોવો સંભવે છે ?
સભા : ના જી.
પૂજયશ્રી : પાપમય જીવન જીવવામાં તત્પર બનેલાની અપકીતિ થવાનો જે સંભવ છે, તેમજ તેવાઓ પ્રત્યે સંબંધીઓ આદિની ઇતરાજી થવાનો જે સંભવ છે, તેવો સંભવ પાપરહિત જીવન જીવવાને મથી રહેલાઓને માટે ખરો ?
સભા : તેટલો તો નહીં જ.
પૂજયશ્રી : પાપમય જીવન જીવવામાં તત્પર બનેલાઓને જ્યારે ધારણાથી વિપરીત ફળ મળે છે, જ્યારે તેઓ સંપત્તિ આદિને ગુમાવી બેસે છે અગર તો જ્યારે તેઓ કોઈપણ પ્રકારની આફતમાં મુકાય છે, ત્યારે તેમનામાં જે ઉન્મતના દીનતા આદિ જન્મે છે, તેમના હૈયામાં અસંતોષ આદિની જેવી આગ સળગે છે, એમનામાં જે બહાવરાપણું આવે છે, તેમાનું કાંઈ તેવા રૂપમાં પાપરહિત જીવન જીવવા મથી રહેલાને સંભવે છે?
સભા : ના જી.
પૂજયશ્રી : આવી આવી રીતે વિચાર કરવામાં આવે તોપણ જરૂર લાગે કે, નરક ન હોય તો પણ જેઓ નરક છે એમ માનીને પાપરહિત જીવન જીવવા મથી રહા હોય છે, તેઓ જ આ દુનિયામાં પણ વધારે સુખને સુંદર પ્રકારે ભોગવી શકે છે. ભોગમાં જ આનંદ આપવાની તાકાત છે અને ભોગ ત્યાગમાં આનંદ આપવાની તાકાત નથી; એમ માનનારાઓ સદંતર અજ્ઞાન છે. ભોગથી જે ક્ષણિક આનંદ પ્રાપ્ત થાય છે, તે ય દુઃખરહિત હોતો નથી; જ્યારે ભોગત્યાગથી પ્રાપ્ત થતો આનંદ અનુપમ હોય છે.
શ્રી રામચજીિનો સંસારત્યાગ સાધના અને નિર્વાણ..૧૨
૨૭૩
