________________
૨૪૦
* 2c05bàp)y kl?'
લાવીને પુનઃ
તે જ શરીરમાં સ્થાપના કરી શકે. દેવોમાં કે દેવોના સ્વામી ઈન્દ્રોમાં જો પુનર્જીવન પમાડવાની તાકાત હોય, તો તેઓ શ્રી તીર્થંકરદેવોને નિર્વાણ પામવા દેત ખરા ? ખુદ શ્રી તીર્થંકરદેવો પણ પોતાના આયુષ્યની એક ક્ષણને પણ વધારી શકતા નથી. આયુષ્યકર્મમાં વધારો થઈ શકતો નથી, માટે તો કેટલીકવાર કેવળજ્ઞાની ભગવંતોને સમુદ્ઘાત કરવો પડે છે. તમે દેવતાઓની વાત કરો છો, પણ દેવતાઓ કે ઇન્દ્રો ય પોતાના આયુષ્યને ય વધારી શકતા નથી. જે દેવો પોતાના આયુષ્યને પણ વધારી શકવાને સમર્થ નથી, તે દેવો અન્યના આયુષ્યને વધારી શકે એ શક્ય છે ?
સભા : ના જી. જાણવા પૂરતું જ પૂછ્યું હતું.
પૂજયશ્રી : એ શક્ય છે કે, અમુક રોગાદિના કારણે બેહોશી આવી ગઈ હોય, તો તે રોગાદિના નિવારણ દ્વારા એ બેહોશીને ર કરી શકાય; બાકી આયુષ્યમાં વધારો કરવાની કોઈમાં તાકાત છે જ નહિ.
પેલા બે દેવો, શ્રીલક્ષ્મણજીનું પોતાના નિમિત્તે મૃત્યુ નિપજ્વાથી ખેદ પામ્યા, અને તેઓ અંદર-અંદર વાત કરે છે કે, ‘અહો, આપણે આ શું કર્યું? અરે રે ! વિશ્વના આધાર સમો આ પુરૂષ આપણાથી કેમ હણાયો ?' આ રીતે પોતાના આત્માની ખૂબ ખૂબ નિન્દા કરતા તે બન્ને ય દેવો પાછા પોતાના કલ્પમાં ચાલ્યા ગયાં.
કૌતુક આદિના કારણે અનર્થ થઈ જ્વા છતાંપણ, જે આત્માઓમાં કાંઈક પણ લાયકાત હોય છે તેઓને જ પશ્ચાત્તાપ આદિ થાય છે. નાલાયક આત્માઓને તો અન્યના મૃત્યુથી પણ આનંદ જ થાય છે, અથવા તો સામાને તેઓએ પોતાની કૌતુક વિવશતાથી કેટલું બધું નુકશાન કર્યુ તેનો તેઓને વિચાર જ હોતો નથી.
