________________
૨૨૭)
નિર્વાણ ભ૮૮ ૭.... મિ
ઉગ્ર તપને આચર્યો. ઉગ્ર તપને આચરી રહેલી તે બાલબ્રહ્મચારિણી અનંગસુંદરીએ જીવનના અા ભાગમાં અનશન આદર્યું અને તે દશામાં તેને કોઈ એક અજગર ગળી ગયો. અજગર તેને ગળી રહો હતો તે છતાં પણ તેણે પોતાના સમાધિભાવને સુંદર પ્રકારે ટકાવી રાખ્યો અને એથી સમાધિપૂર્વકનું મૃત્યુ પામીને તે અનંગસુંદરી બીજા કલ્પમાં દેવી તરીકે ઉત્પન્ન થઈ. તે ભવનું આયુષ્ય પૂર્ણ કરીને, તે અનંગસુંદરીનો જીવ ત્યાંથી ચ્યવીને વિશલ્યા તરીકે ઉત્પન્ન થયો અને તે વિશલ્યા શ્રી લક્ષ્મણની પત્ની બની.
ગુણધર ભામંડલ તરીકે શ્રી લક્ષ્મણજીના જીવની ઓળખાણ આપ્યા બાદ ભામંડલના જીવની ઓળખાણ આપવામાં આવી છે. આપણે જોઈ ગયા છીએ કે, જે ક્ષેમપુર નામના નગરમાં ધનદત્ત અને વસુદનનો પિતા નયદત્ત વસતો હતો, તે જ ક્ષેમપુરમાં સાગરદત્ત નામનો એક વણિક પણ વસતો હતો અને તે સાગરદત્તને જે બે સંતાનો હતાં તેમાં એક ગુણદત્ત નામે પુત્ર હતો અને બીજુ સંતાન તે ગુણવતી નામે પુત્રી હતી. ગુણવતીના સંબંધમાં તો આપણે જોઈ આવ્યા છે, તેનો જીવ સંસારમાં પરિભ્રમણ કરતાં શ્રીમતી સીતા તરીકે ઉત્પન્ન થયો. એ ગુણવતીનો ભાઈ જે ગુણધર હતો, તે ત્યાંથી મૃત્યુ પામીને અને ઘણા કાળ પર્યા સંસારમાં પરિભ્રમણ કરીને કુલમંડિત નામના રાજપુત્ર તરીકે ઉત્પન્ન થયો, ત્યાં ચિરકાળ શ્રાવકપણાનું પાલન કર્યું અને ત્યાંથી મરીને તે આ શ્રીમતી સીતાના સોદર ભાઈ ભામંડલ નરેશ્વર તરીકે ઉત્પન્ન થયો. લવણ, અંકુશ અને સિદ્ધપુત્ર સિદ્ધાર્થના
પૂર્વભવોનો સંબંધ હવે લવણ, અંકુશ અને સિદ્ધાર્થ નામનો સિદ્ધપુત્ર, આ ત્રણના પૂર્વભવોનો વૃત્તાન્ત સામાન્યપણે જણાવતાં, શ્રી જયભૂષણ
