________________
| ૧૪૮
રામ નિર્વાણ ભાગ ૭..
વિચક્ષણ એવા
આત્માઓને, અમુક સમયને માટે કેવા ભાનભૂલા
પણ
બનાવી દે છે, પાપકર્મો ભલભલા આત્માઓને પણ કેવી રીતે રીતે રંજાડે છે ? અને દુષ્કર્મોના પ્રતાપે નરકે ગયેલા અલ્પ સંસારી આત્માઓને પણ કેવા કેવા ો ભોગવવાં પડે છે ? એ વગેરે ઘણી ઘણી વાતો, આ સર્ગના વાંચનથી અને શ્રવણથી જાણવા અને વિચારવા આદિ માટે મળી રહે તેમ છે.
આ સર્ગમાં આવતી વાતો, આપણાં હૈયાને જેવી રીતે સ્પર્શવી જોઈએ તેવી રીતે જો સ્પર્શી જાય, તો વૈરાગ્યની તાકાત નથી કે, તે આપણાથી છેટો રહી શકે. અશુભ કર્મોના ઉદયથી પ્રાપ્ત થયેલી દુ:ખમય અવસ્થામાં પણ, દુ:ખથી કેમ બચી શકાય ? અને સુખને કેમ અનુભવી શકાય ? એ કીમીયો શીખવો હોય, તો તેને માટે ય, આ સર્ગ એ પણ એક ઉત્તમ સાધન છે. આ સર્ગમાં આવતી હકીક્તોના આલંબનથી, આત્મા ધારે તો ઘણી ઘણી વાતોનો હિતકર વિચાર કરી શકે તેમ છે. પ્રસંગે પ્રસંગે જે જાતના કલ્યાણકારી વિચારો કરવા જોઈએ તે જાતના વિચારો કરવાના લક્ષ્યવાળા બન્યા રહેશો, તો આ સર્ગનું શ્રવણ તમારા મનોમન્દિરમાં અનુપમ કોટિનો પ્રકાશ પ્રગટાવ્યા અને પ્રસરાવ્યા વિના નહિ રહે.
શ્રીરામચંદ્રજીનો રોષ
આપણે એ જોઈ આવ્યા કે, મહાસતી શ્રીમતી સીતાજીને અગ્નિપ્રવેશના દિવ્યમાં વિસ્મયકારક સફળતા પ્રાપ્ત થઈ, તેમના અનુપમશીલની સર્વત્ર પ્રશંસા થવા લાગી અને ખુદ શ્રીરામચંદ્રજીએ પોતાનાં સર્વ અનુચિત કાર્યોને માટે ક્ષમા યાચવા સાથે શ્રીમતી સીતાજીને પુષ્પક વિમાનમાં બેસીને રાજમંદિરે ચાલવાનું તેમજ ત્યાં જઈને પૂર્વવત્ ભોગસુખો ભોગવવાનું સૂચન કર્યું. આ બધાના ઉત્તરરૂપે શ્રીમતી સીતાજીએ કહી દીધું કે, ‘મારે જે દુ:ખો ભોગવવાં પડયાં, તેમાં આપનો, લોકોનો કે અન્ય કોઈનો દોષ નથી; મારાં
